“Eiðurinn” meðal spennandi væntanlegra titla á Cannes

Bandaríski kvikmyndavefurinn Deadline tíndi til á dögunum ýmsar væntanlegar kvikmyndir sem verið er að undirbúa eða filma, jafnframt því sem kynning og sala á þeim fer fram á markaðinum í Cannes. Meðal þessara verkefna er Eiðurinn í leikstjórn Baltasars Kormáks.
Posted On 18 May 2016

Truenorth undirbýr tvö enskumælandi verkefni

True North vinnur nú að undirbúningi tveggja kvikmynda sem gerðar verða á ensku; annarsvegar The Malaga Prisoner eftir handriti Óskars Jónassonar og Arnaldar Indriðasonar og hinsvegar Keflavik eftir bandaríska leikstjórann Michael G Kehoe.
Posted On 18 May 2016

Tinna Hrafnsdóttir og Eva Sigurðardóttir keppa um stuttmyndastyrk á Cannes

Kvikmyndagerðarkonurnar Eva Sigurðardóttir og Tinna Hrafnsdóttir keppa nú í Cannes um styrk til gerðar stuttmynda sinna. Keppnin felst í því að kosið er um besta "pitchið" á netinu og nema verðlaunin 5.000 evrum eða rúmum sjö hundruð þúsund krónum.
Posted On 18 May 2016

Zik Zak með Sólveigu og Ísold í Cannes

Zik Zak kvikmyndir er meðframleiðandi að mynd Sólveigar heitinnar Anspach, Sundáhrifin (The Together Project), sem sýnd er á Director's Fortnight í Cannes. Zik Zak kynnir einnig verk Ísoldar Uggadóttur, Andið eðlilega, sem fer í tökur í september.
Posted On 17 May 2016

Tökum lokið á “Vinterbrödre”

Tökum á Vetrarbræðrum (Vinterbrödre), fyrstu bíómynd Hlyns Pálmasonar er lokið. Þær fóru fram á sex vikum í Faxe í Danmörku. Framleiðendur kynna nú myndina í Cannes en gert er ráð fyrir að hún verði frumsýnd undir lok árs.
Posted On 17 May 2016

Baltasar kynnir “Eiðinn” í Cannes

Baltasar Kormákur kynnir mynd sína Eiðinn á Cannes hátíðinni, sem nú stendur yfir, fyrir kaupendum og sýnir brot úr myndinni. Bandaríska sölufyrirtækið XYZ Films fer með sölu myndarinnar á heimsvísu.
Posted On 16 May 2016

Heimildamyndin “Vídeóspólan” safnar á Karolina Fund

Á dögunum hófst söfnun á Karolina Fund fyrir heimildamyndinni Vídeóspólan en höfundur myndarinnar er Óli Gneisti Sóleyjarson þjóðfræðingur. Myndin mun fjalla um ris og fall vídeóspólunnar á Íslandi og þá menningu sem skapaðist í kringum hana, deilurnar sem hún olli og breytingunum sem urðu vegna hennar.
Posted On 11 May 2016

Kitla fyrir “Snjór og Salóme” opinberuð

Kitla kvikmyndarinnar Snjór og Salóme eftir Sigurð Anton Friðþjófsson hefur verið opinberuð. Myndin er væntanleg í haust á vegum Senu.
Posted On 09 May 2016

Heimildamynd um sögu íslenskra vita í vinnslu

Ljósmál ehf. vinnur um þessar mundir að gerð heimildamyndar um sögu íslenskra vita. Myndin er unnin í samstarfi við hið Íslenska vitafélag með stuðningi Kvikmyndamiðstöðvar Íslands. Kvikmyndarstjóri er Einar Þór Gunnlaugsson og Dúi J. Landmark framleiðir ásamt Sigurbjörgu Árnadóttur. Handritshöfundur er Kristján Sveinsson sagnfræðingur. Á meðal bakhjarla myndarinnar eru einnig RÚV og Vegagerðin.
Posted On 03 May 2016

“Andið eðlilega” fær stuðning frá Svíum og Belgum

Andið eðlilega, fyrsta kvikmynd Ísoldar Uggadóttur í fullri lengd, fer í tökur í haust. Myndin hefur nú hlotið stuðning frá kvikmyndasjóðum Svíþjóðar og Belgíu auk hins íslenska.
Posted On 03 May 2016

Þorsteinn Bachmann fer með hlutverk klámmyndakóngs í “Tom of Finland”

Þorsteinn Bachmann leikur bandarískan klámmyndakóng í kvikmynd Dome Karukoski, Tom of Finland, þar sem Ingvar Þórðarson er meðal framleiðenda. Í viðtali við Gay Iceland segir Þorsteinn meðal annars frá því hvernig það kom til að hann fékk hlutverkið.
Posted On 29 Apr 2016

Spænsk íslensk heimildamynd um Baskavígin 1615 í vinnslu

Baskneska kvikmyndaframleiðslufyrirtækið Old Port Films vinnur nú að gerð heimildamyndar um Baskavígin svokölluðu árið 1615 (sem Íslendingar nefna Spánverjavígin). Kvikmyndagerðin Seylan er meðframleiðandi verksins, sem er stórt í sniðum.
Posted On 22 Apr 2016

Ingvar Þórðarson einn meðframleiðenda “Tom of Finland”

Ingvar Þórðarson og Sophie Mahlo, sem reka framleiðslufyrirtækið Neutrinos Productions í Berlín, eru meðframleiðendur á nýjustu mynd finnska leikstjórans Dome Karukoski, Tom of Finland. Ingvar var einnig meðframleiðandi síðustu myndar Karukoski, The Grump, ásamt Júlíusi Kemp.
Posted On 19 Apr 2016

Þessar bíómyndir og leiknu þáttaraðir eru væntanlegar á næstu misserum

Á þriðja tug íslenskra kvikmynda og þáttaraða er nú á mismunandi stigum vinnslu, allt frá því að vera í fjármögnunar- og/eða undirbúningsferli til þess að vera nýkomnar út og í sýningum. Hér er yfirlit yfir nýjar og væntanlegar bíómyndir og sjónvarpsþáttaraðir á þessu og næsta ári, en nokkuð víst er að fleiri verkefni eigi eftir að bætast við.
Posted On 18 Apr 2016

“Alma” bakvið tjöldin

Tökur standa nú yfir á kvikmyndinni Alma í leikstjórn Kristínar Jóhannesdóttir. Snæfríður Ingvarsdóttir fer með aðalhlutverkið en Kristbjörg Kjeld og Emanuelle Riva fara með önnur helstu hlutverk. Pressan birtir nokkrar ljósmyndir Mána Hrafnssonar frá tökum.
Posted On 02 Mar 2016

Sjónvarp Símans kaupir sýningarrétt á væntanlegri þáttaröð Baldvins Z

Sjónvarp Símans hefur tryggt sér sýningarréttinn á sjónvarpsþáttaröð sem Baldvin Z og samstarfsfólk hans er með í undirbúningi. Þættirnir verða 13 og er fyr­ir­hugað að serí­an verði til­bú­in eft­ir tvö til þrjú ár.
Posted On 28 Feb 2016

“Eiðurinn” bakvið tjöldin

Tökum er nú að ljúka á kvikmynd Baltasars Kormáks, Eiðinum. Ljósmyndir sem Lilja Jónsdóttir tók af upptökum hafa verið opinberaðar á Vísi.
Posted On 25 Feb 2016

Algjör Sveppi á teikniborðið

CAOZ Animation og Little Big Films framleiðandi kvikmyndanna um Sveppa og félaga gerðu nýverið með sér samstarfssamning um gerð teiknimynda sem byggðar verða á ævintýrum Sveppa.
Posted On 25 Feb 2016

Þórður Pálsson og Ólafur Jóhannesson fá stuðning frá Nordic Genre Boost

Þórður Pálsson og Ólafur Jóhannesson de Fleur fá styrki til að þróa verkefni sín frá Nordic Genre Boost, sérstöku átaki Norræna kvikmynda- og sjónvarpssjóðsins. Styrkupphæðin nemur þremur milljónum króna á verkefni.
Posted On 20 Feb 2016

Margt framundan hjá Sagafilm

Ragna Árnadóttir aðstoðarforstjóri Landsvirkjunar og Vala Halldórsdóttir þróunarstjóri Plain Vanilla hafa tekið sæti í stjórn Sagafilm. Fyrirtækið, hvers verk hlutu alls 15 tilnefningar til Edduverðlauna á dögunum, undirbýr nú gerð leikinnar þáttaraðar fyrir Skjáinn sem og kvikmyndar sem byggð verður á Víti í Vestmannaeyjum eftir Gunnar Helgason. Þá verða tækjaleigan Luxor og Sagaevents eftirleiðis reknar sem sér einingar.
Posted On 15 Feb 2016

Truenorth og Mystery snúa bökum saman

True North og Mystery vinna nú saman að þróun átta nýrra kvikmynda, þar á meðal myndar sem byggð er á Geirfinnsmálinu og Óskar Jónasson mun leikstýra.
Posted On 14 Feb 2016

“Mules” í tökur í vor

Breska sölufyrirtækið West End Films mun sjá um alþjóðlega sölu á kvikmyndinni Mules sem Baltasar Kormákur og Agnes Johansen framleiða fyrir RVK Studios. Börkur Sigþórsson mun leikstýra og áætlað er að tökur hefjist í vor.
Posted On 11 Feb 2016

Þáttaröðin “Fangar” fær um 27 milljóna króna styrk frá Norræna sjóðnum

Þáttaröðin Fangar fékk á dögunum tæplega 27 milljóna króna styrk frá Norræna kvikmynda- og sjónvarpssjóðnum. Verkefnið, sem fer í tökur í vor undir stjórn Ragnars Bragasonar, hefur þegar verið selt til norrænu sjónvarpsstöðvanna og víðar auk RÚV. Mystery framleiðir.
Posted On 08 Feb 2016

Tökur að hefjast á annari umferð af “Fortitude”

Tökur á annarri umferð þáttaraðarinnar Fortitude hefjast á Reyðarfirði 2. febrúar. Pegasus þjónustar verkefnið hér á landi.
Posted On 31 Jan 2016