Daglegt færslusafn: Feb 23, 2014

„Game of Thrones“ gengið í góðum gír á Íslandi

Fjórða þáttaröð Krúnuleika eða Game of Thrones verður frumsýnd þann 6. apríl næstkomandi. Hluti seríunnar hefur verið tekinn upp hér á landi allt frá annarri röðinni og hefur Pegasus þjónustað verkefnið. HBO hefur sent frá sér stutta mynd þar sem sýnt er frá tökum á Íslandi og rætt við ýmsa aðstandendur verksins.

Film in Iceland tilnefnt til verðlauna í Bandaríkjunum

The Location Manager Guild of America tilnefndi Film in Iceland til verðlauna nú á dögunum, fyrir að þjónusta kvikmyndina The Secret Life of Walter Mitty. Þetta er í fyrsta sinn sem þessi samtök standa fyrir verðlaunaveitingum.

„Hross í oss“ kvikmynd ársins

Hross í oss var kosin kvikmynd ársins á Edduverðlaunahátíðinni sem haldin var fyrir fullum sal og í beinni útsendingu í Silfurbergi í Hörpunni í gærkvöldi. Hross í oss hlaut sex Eddur á hátíðinni, meðal annars fyrir leikstjórn, handrit og kvikmyndatöku. Málmhaus sópaði til sín verðlaunum og hlaut alls átta verðlaun, meðal annars fyrir klippingu, hljóð og tónlist.