Mánaðarlegt færslusafn March, 2015

Minning | Þorbjörn Ágúst Erlingsson 1955-2015

Þorbjörn Ágúst Erlingsson hljóðmaður er fallinn frá, 59 ára að aldri. Hann var einn af reyndustu hljóðupptökumönnum íslenskrar kvikmyndagerðar og kom sem slíkur að vel á fjórða tug kvikmynda allt frá 1987.

„Blóðberg“ stiklan er komin

Blóðberg, kvikmynd Björns Hlyns Haraldssonar, kemur í kvikmyndahús þann 10. apríl en verður forsýnd á Stöð 2 á páskadag, 5. apríl. Þetta er í annað sinn í íslenskri kvikmyndasögu sem kvikmynd er opinberuð með þessum hætti og verður spennandi að sjá hvernig viðtökur almennings verða. Stikla myndarinnar hefur nú verið opinberuð og má sjá hér.

Bíómyndin „Albatross“ leitar stuðnings á Karolina Fund – stikla hér

Aðstandendur kvikmyndarinnar Albatross leita nú stuðnings við eftirvinnslu á hópfjármögnunarsíðunni Karolina Fund. Markmiðið er að safna um þremur milljónum króna. Náist það verður þetta fyrsta leikna kvikmyndin sem fjármögnuð er í gegnum síðuna.

Emmanuelle Riva í mynd Kristínar Jóhannesdóttur

Franska leikkonan Emmanuelle Riva kemur fram í kvikmynd Kristínar Jóhannesdóttur Þá og þegar elskan, sem tekin verður upp í haust. Riva er ein þekktasta leikkona Frakka og öðlaðist heimsfrægð fyrir leik sinn í kvikmyndinni Hiroshima mon amour eftir Alan Resnais sem út kom 1960.

Ekkert dregið undan í „Salóme“

Heimildamyndin Salóme eftir Yrsu Rocu Fannberg hlaut á dögunum Menningarverðlaun DV í flokki kvikmynda. DV fjallar um myndina, birtir umsögn dómnefndar og ræðir við Yrsu.

„Vonarstræti“ valin besta myndin á Febiofest í Prag

Vonarstræti Baldvins Z var valin besta myndin á Febiofest kvikmyndahátíðinni sem fram fór í Prag í Tékklandi 19. – 27. mars. Myndin tók þátt í aðalkeppni hátíðarinnar er nefnist „New Europe“ og varð þar hlutskörpust gegn 11 öðrum kvikmyndum. Baldvin var sérstaklega boðið af aðstandendum á hátíðina og veitti verðlaununum viðtöku.

Útskrifast frá NFTS og gerir samning við breska umboðsskrifstofu

Þórður Pálsson útskrifaðist á dögunum frá The National Film and Televsion School (NFTS) í Bretlandi með MA gráðu í leikstjórn. Hann hefur nú skrifað undir samning hjá bresku umboðsskrifstofunni Sayle Screen og vinnur nú að handriti sinnar fyrstu bíómyndar ásamt fyrrum samnemanda. Klapptré ræddi stuttlega við Þórð.

RIFF 2015 auglýsir eftir myndum

RIFF, Alþjóðleg kvikmyndahátíð í Reykjavík hefur opnað fyrir innsendingu mynda á komandi hátíð, sem verður sú 12. í röðinni, og fer fram dagana 24. september til 4. október. Auglýst er eftir íslenskum sem og alþjóðlegum kvikmyndum í fullri lengd og stuttmyndum til að frumsýna á RIFF.

„París norðursins“ dreift í Frakklandi

París norðursins eftir Hafstein Gunnar Sigurðsson hefur verið tekin til sýninga í kvikmyndahúsum í Frakklandi. Myndinni hefur verið sérlega vel tekið og er gagnrýnandi Le Monde t.d. afar jákvæð í garð myndarinnar.

„Salóme“ hlaut Menningarverðlaun DV

Heimildamyndin Salóme eftir Yrsu Rocu Fannberg hlaut í dag menningarverðlaun DV í flokki kvikmyndalistar. Verðlaunin voru afhent í 36. skipti í Iðnó í dag, en þau eru veitt fyrir framúrskarandi árangur á listasviðinu á árinu 2014.

Baltasar fær verðlaun Samtaka bandarískra kvikmyndahúsa

CinemaCon, árleg ráðstefna Samtaka bandarískra kvikmyndahúsa (NATO), hefur tilkynnt að Baltasar Kormákur verði heiðraður með titlinum "Alþjóðlegur kvikmyndagerðarmaður ársins" á næstu ráðstefnu sem hefst í Las Vegas 20. apríl.