Mánaðarlegt færslusafn March, 2016

„Keep Frozen“ heimsfrumsýnd á Visions du reel hátíðinni í Sviss

Keep Frozen, heimildamynd Huldu Rósar Guðnadóttur, verður heimsfrumsýnd á Visions du reel hátíðinni í Sviss sem fram fer dagana 15.-23. apríl næstkomandi. Helga Rakel Rafnsdóttir framleiðir myndina fyrir Skarkala.

Þóranna Sigurðardóttir verðlaunuð í Atlanta fyrir „Zelos“

Þóranna Sigurðardóttir var hlutskörpust í vali dómnefndar Atlanta Film Festival á kvikmyndagerðarmanni sem vert er að fylgjast með í framtíðinni. Stuttmynd hennar, Zelos, var sýnd á hátíðinni.

Greining | „Reykjavík“ komin yfir 2000 gesti, „Fyrir framan annað fólk“ hækkar milli vikna

Reykjavík Ásgríms Sverrissonar er í 10. sæti aðsóknarlistans eftir þriðju sýningarhelgi. Fyrir framan annað fólk Óskars Jónassonar hækkar sig úr 6. sæti í það fjórða og Hrútar Gríms Hákonarsonar er áfram í sýningum.

Þrenn verðlaun til „Þrasta“

Þrestir Rúnars Rúnarssonar hefur sópað að sér verðlaunum á alþjóðlegum hátíðum undanfarnar vikur. Um síðustu helgi hlaut hún aðalverðlaun Alþjóðlegu kvikmyndahátíðarinnar í Prag í Tékklandi, um þar síðustu helgi dómefndarverðlaunin í Mamers í Frakklandi og þar áður aðalverðlaun alþjóðlegu hátíðarinnar Spirit of Fire sem fram fór í borginni Khanty-Mansiysk í Síberíu, Rússlandi. Þrestir hefur nú unnið til alls 16 alþjóðegra verðlauna.

Pjatt um „Reykjavík“: Speglar á skemmtilegan og raunverulegan hátt samskipti kynjanna

Þórunn Antonía Magnúsdóttir skrifar á Pjatt.is um Reykjavík Ásgríms Sverrissonar og segir meðal annars að tónlist, leikur og mynd blandist svo fallega saman að útkoman verði alveg frábær.

DV um „Reykjavík“: Íslenska nóttin

Valur Gunnarsson skrifar um Reykjavík Ásgríms Sverrissonar í DV. Hann segir meðal annars: "Það besta sem hægt er að segja um myndina er að hún hlífir okkur við vondum bröndurum, því engir brandarar eru í henni yfirhöfuð eftir því sem ég kemst næst. Hún er því hvorki rómantísk né gamanmynd." Hann gefur myndinni eina stjörnu.

Gamanþáttaröðin „Ligeglad“ frumsýnd á RÚV annan í páskum

Gamanþættirnir Ligeglad í leikstjórn Arnórs Pálma Arnarsonar, verða frumsýndir á RÚV á annan í páskum, þann 28. mars. Þættirnir, sem eru sex talsins segja frá ævintýrum leikkonunnar og uppistandarans Önnu Svövu Knútsdóttur í Danmörku ásamt söngvaranum Helga Björnssyni og leikaranum Vigni Rafni Valþórssyni.

Greining | „Reykjavík“ áfram í tíunda sæti

Reykjavík Ásgríms Sverrissonar er áfram í 10. sæti aðsóknarlistans eftir aðra sýningarhelgi. Fyrir framan annað fólk Óskars Jónassonar er í því sjötta og Hrútar Gríms Hákonarsonar er áfram í sýningum.

Morgunblaðið um „Reykjavík“: Í draumi sérhvers manns er fall hans falið

Hjördís Stefansdóttir skrifar um Reykjavík Ásgríms Sverrissonar í Morgunblaðið. Hún segir meðal annars að allt frá upphafskynningu sé "sleginn tónn að brotakenndum mikilfengleika," og að óvenju raunsæjar og mannlegar persónur fái að spinna sinn þráð út frá sínum vonum og þrám og rata í mannlegar flækjur. Hjördís gefur myndinni fjórar stjörnur.

Morgunblaðið um „Fyrir framan annað fólk“: Klassískar aðstæður

Hjördís Stefánsdóttir skrifar um Fyrir framan annað fólk Óskars Jónassonar í Morgunblaðið og segir hana hugljúfa mynd um hugnæmt ástarævintýri. "Handritið slær engar feilnótur en er líka í engan stað sértækt," segir Hjördís og gefur myndinni þrjár stjörnur.

DV um „Fyrir framan annað fólk“: Erfitt að eiga við ástina

Valur Gunnarsson skrifar um Fyrir framan annað fólk Óskars Jónassonar og segir hana taka mið af samtíma sínum og fara ágætlega af stað, en fljótt fari að halla undan fæti. Hann gefur myndinni tvær stjörnur.

Fréttablaðið um „Reykjavík“: Kvikmyndalúði í tilvistarkreppu

Atli Sigurjónsson skrifar um Reykjavík Ásgríms Sverrissonar í Fréttablaðið og segir hana í heildina skemmtilega og ljúfsára mynd þó hún nái ekki alveg sömu hæðum og áhrifavaldarnir. Hann gefur myndinni þrjár stjörnur.

Ásgrímur Sverrisson um „Reykjavík“: Mynd um sambönd og samskipti

Ásgrímur Sverrisson er í viðtali við Morgunblaðið vegna myndar sinnar Reykjavík. Hann segir hugmyndina hafa verið að gera mynd um sambönd og samskipti, fjalla um greint fólk sem er að klúðra lífi sínu. "Þetta er ekki hefðbundin rómantísk gamanmynd þó að hún minni að nokkru á slíkar myndir. Þetta er sætbeiskt gamandrama," segir Ásgrímur.

Greining | „Reykjavík“ opnar í tíunda sæti

Reykjavík Ásgríms Sverrissonar er í 10. sæti aðsóknarlistans eftir frumsýningarhelgina. Fyrir framan annað fólk Óskars Jónassonar er áfram í því fimmta og Hrútar Gríms Hákonarsonar er enn í sýningum.