Mánaðarlegt færslusafn February, 2019

Félag kvikmyndatökustjóra mótmælir fyrirkomulagi afhendingar Edduverðlauna

Félag kvikmyndatökustjóra gagnrýnir að fagverðlaun á Eddunni skuli hafa verið afhent áður en útsending frá verðlaunahátíðinni hófst og að þakkarræður þeirra hafi ekki verið sýndar. Þetta kemur fram í yfirlýsingu sem Bergsteinn Björgúlfsson, forseti Félags Íslenskra kvikmyndatökustjóra (ÍKS), sendi fjölmiðlum.

„Kona fer í stríð“ með tíu Edduverðlaun

Edduverðlaunin voru afhent í Austurbæ föstudaginn 22. febrúar 2019. Kona fer í stríð hlaut alls 10 Eddur og Lof mér að falla fjórar. UseLess var valin heimildamynd ársins og Mannasiðir leikið sjónvarpsefni ársins. Fréttaskýringaþátturinn Kveikur hlaut alls þrenn verðlaun, sem frétta- eða viðtalsþáttur ársins, sem sjónvarpsefni ársins að vali almennings og einn umsjónarmanna Sigríður Halldórsdóttir var valin sjónvarpsmaður ársins. Egill Eðvarðsson upptökustjóri og kvikmyndaleikstjóri hlaut heiðursverðlaun ÍKSA.

Sjö áhugaverðustu myndirnar á Stockfish 2019

Stockfish hátíðin nálgast, en hún fer fram dagana 28. febrúar til 10. mars næstkomandi. Sýndar verða um 30 kvikmyndir og boðið uppá ýmiskonar meistaraspjall, málþing og annan fróðleik auk þess sem nýjar íslenskar myndir í vinnslu verða kynntar. Hér eru sjö áhugaverðustu myndirnar á hátíðinni að mati ritstjóra.

„Mistök mín og misskilningur“ segir formaður stjórnar ÍKSA

Klapptré hafði samband við Hlín Jóhannesdóttur formann stjórnar ÍKSA og bað hana að varpa ljósi á aðdraganda þess að heimildamyndin 690 Vopnafjörður var felld út af lista tilnefndra heimildamynda á dögunum og einnig hversvegna myndin var tilnefnd yfir höfuð, enda var hún frumsýnd 2017 meðan starfsreglur Eddunnar kveða á um að öll tilnefnd verk skulu hafa verið frumsýnd á árinu 2018.

Meðlimur í valnefnd lýsir yfir vantrausti á stjórn ÍKSA

Hulda Rós Guðnadóttir kvikmyndagerðarkona (Keep Frozen) og einn valnefndarmeðlima vegna tilnefninga til Edduverðlauna, birti á dögunum yfirlýsingu á Facebook síðu sinni sem og bréf til stjórnar ÍKSA, þar sem hún gagnrýnir þá ákvörðun stjórnarinnar að fella niður Edduverðlaunatilnefningu til heimildamyndarinnar 690 Vopnafjörður. Hulda segist meðal annars íhuga að sniðganga hátíðina fái hún ekki útskýringar á því hvers vegna myndin var fjarlægð úr tilnefningum. Myndin var frumsýnd 2017, en aðeins má tilnefna myndir sem frumsýndar voru 2018 samkvæmt starfsreglum Eddunnar.

Sagafilm kaupir réttinn að skáldsögunni „Hilma“

Sagafilm hefur tryggt sér rétt til að þróa leikna sjónvarpsþáttaröð byggða á skáldsögunni Hilmu eftir Óskar Guðmundsson. Pétur Már Ólafsson hjá Bjarti & Veröld og Hilmar Sigurðsson, forstjóri Sagafilm undirrituðu fyrir helgi samning þess efnis.

„Pabbahelgar“: gamanþættir um sjálfhverfu hliðina á skilnaði

Nanna Kristín Magnúsdóttir framleiðir, skrifar, leikstýrir og leikur aðalhlutverkið í sjónvarpsþáttunum Pabbahelgar sem verða sýndir á RÚV í haust en tökum lauk nú fyrir skemmstu.

Fréttablaðið um „Tryggð“: Æ sér gjöf til gjalda

"Tryggð er fal­leg, fanta­vel leikin en á­takan­leg bíó­mynd sem á brýnt erindi við ís­lenskan sam­tíma og okkur öll," segir Þórarinn Þórarinsson í Fréttablaðinu.

Lestin um „Tryggð“: Höktandi kvikmynd um hvítan bjargvætt

Tryggð tekur á stórum og mikilvægum málefnum, kjörum kvenna af erlendum uppruna á Íslandi og húsnæðismálum. Leikarahópurinn stendur sig vel, segir Marta Sigríður Pétursdóttir gagnrýnandi, myndin sé þó ekki gallalaus.

Davíð Þór Jónsson fær Hörpu

Davíð Þór Jónsson tónskáld hlaut Norrænu kvikmyndatónskáldaverðlaunin 2019 í Berlín í dag fyrir tónlist sína í kvikmynd Benedikts Erlingssonar, Kona fer í stríð.

Eddan: breytingar á tilnefningum til heimildamynda

Breyting hefur orðið á tilnefningum Edduverðlaunanna í flokki heimildamynda og hefur stjórn Íslensku kvikmynda- og sjónvarpsakademíunnar (ÍKSA) sent frá sér yfirlýsingu varðandi málið.