Daglegt færslusafn: May 21, 2017

Spurningar vakna um notkun á „Heyr himnasmiður“ í „The Handmaid’s Tale“

Í öðrum þætti The Handmaid's Tale þáttaraðarinnar sem nú er í sýningum á efnisveitunni Hulu, gefur að heyra tónverk Þorkels Sigurbjörnssonar, Heyr himnasmiður, við sálm Kolbeins Tumasonar goðorðsmanns og skálds frá upphafi 13. aldar. Lagið er fengið af plötu Hildar Guðnadóttur, Saman, en svo virðist sem hvorki Þorkels né Kolbeins sé að neinu getið í upplýsingum um þáttinn - og raunar ekki Hildar heldur.

„Vargur“ Barkar Sigþórssonar kynnt í Cannes

RVK Studios kynnir Varg Barkar Sigþórssonar fyrir kaupendum á yfirstandandi Cannes hátíð. Myndin er í eftirvinnslu. Screen segir frá og birtir jafnframt fyrsta rammann úr myndinni.