Mánaðarlegt færslusafn February, 2018

Andrey Zvyagintsev um „Loveless“: Við erum alls ekki stikkfrí

Nýjasta mynd Andreys Zvyagintsevs, Loveless eða Nelyubov eins og hún heitir á frummálinu, verður sýnd á Stockfish hátíðinni sem hefst 1. mars. Myndin er jafnframt tilnefnd til Óskarsverðlauna í flokki erlendra mynda í ár. Davíð Kjartan Gestsson hjá Menningarvef RÚV ræddi við leikstjórann.

Um 20 nýjar myndir og fjöldi viðburða á Stockfish hátíðinni

Stockfish hátíðin hefst í fjórða sinn á morgun, fimmtudaginn 1. mars. Um 20 nýjar myndir verða sýndar á hátíðinni, fjölmargir erlendir gestir sækja hátíðina heim og fjöldi ýmiskonar viðburða fer fram en þeir eru ókeypis og öllum opnir.

Aðsókn | „Fullir vasar“ opnar með tæplega fjögur þúsund gesti

Fullir vasar eftir Anton Sigurðsson fékk tæplega fjögur þúsund gesti á opunarhelginni og er í öðru sæti. Lói - þú flýgur aldrei einn hefur nú fengið yfir sextán þúsund gesti eftir fjórðu sýningarhelgi.

Hlynur Pálmason hlaut Dreyer verðlaunin

Hlynur Pálmason, leikstjóri dansk/íslensku kvikmyndarinnar Vetrarbræður tók við Dreyer verðlaununum við hátíðlega athöfn þann 21. febrúar. Dreyer verðlaunin eru veitt af Carl Th. Dreyer Minningarsjóðnum til ungra kvikmyndaleikstjóra eða annarra listamanna innan kvikmyndabransans sem sýna fram á framúrskarandi listræna hæfni. Verðlaunin innihalda 50.000 danskra króna í verðlaunafé.

„Fangar“ með flestar Eddur

Þáttaröðin Fangar hlaut alls tíu Eddur á verðlaunaafhendingunni sem fram fór í gærkvöldi. Bíómyndin Undir trénu hlaut sjö Eddur. Guðný Halldórsdóttir hlaut heiðursverðlaun ÍKSA og konur í kvikmyndagerð fylktu liði undir merkinu #Égerhér.

Þjóðverjar endurgera „Næturvaktina“

Tökur eru hafnar á endurgerð af Næturvaktinni í Þýskalandi. Þættirnir bera nafnið Tanken - mehr als super sem verða sýndir á ZDFneo síðar á árinu. Letterbox Filmproduktion dótturfélag Studio Hamburg framleiðir þættina.

„Fangar“ sýnd á AMC

Þáttaröðin Fangar verður sýnd á kapalstöðinni AMC í Bandaríkjunum, Bretlandi, Nýja Sjálandi og Ástralíu. Þetta kemur fram á Facebook síðu myndarinnar en gengið var frá samningum á ný yfirstaðinni Berlínarhátíð.

Tómas Lemarquis fer með eitt aðalhlutverkanna í „Touch Me Not“ sem hlaut Gullbjörninn á Berlinale 

Tómas Lemarquis fer með aðalhlutverkið í rúmensku kvikmyndinni Touch Me Not, sem vakið hefur mikla athygli á Berlínarhátíðinni og hlaut í gærkvöldi Gullbjörninn sem besta myndin. Hulda Rós Guðnadóttir kvikmyndagerðarkona ræddi við hann fyrir Fréttablaðið og birtist viðtalið á laugardag, rétt áður en úrslit lágu fyrir.

Friðrik Erlingsson: Athugasemdir um skaðlegar karlmennskuímyndir í „Lóa“ pínlegur þvættingur

Friðrik Erlingsson handritshöfundur ræðir við Vísi um þá gagnrýni sem Lói - þú flýgur aldrei einn hefur fengið vegna framsetningar kvenpersóna sem og birtingarmyndar karllægra viðhorfa. Hann kallar þessar athugasemdir pínlegan þvætting.

Engar stjörnur um „Lóa“: Þétt og lifandi sögusvið

Vilhjálmur Ólafsson skrifar um Lóa - þú flýgur aldrei einn í Engar stjörnur, gagnrýnendasíðu Kvikmyndafræði Háskólans. Hann segir heimssköpun myndarinnar bæði frumlegri og skemmtilegri en í ýmsum öðrum teiknimyndum, en kvenpersónur myndarinnar hefðu mátt eiga stærri þátt í framvindunni.

Ísold Uggadóttir: Maður er alltaf að berjast við sjálfan sig

Ísold Uggadóttir ræðir við Fréttablaðið um kvikmynd sína Andið eðlilega sem tekur á hitamálum samtímans, fátækt, flóttamannavandanum og veruleika hinsegin fólks. Myndin verður frumsýnd á Íslandi í mars.

„Svanurinn“ fær verðlaun í Kalíforníu

Svanurinn eftir Ásu Helgu Hjörleifsdóttur hlaut um helgina sér­stök dóm­nefnd­ar­verðlaun á alþjóðlegu kvik­mynda­hátíðinni í Santa Barbara í Kali­forn­íu.

Miklum breytingum spáð í kvikmynda- og sjónvarpsiðnaði á næstu fimm árum

Árið 2023 mun röddum sögumanna ekki hafa fækkað en iðnaðurinn hefur dregist saman og nýr veruleiki verður farinn að taka á sig mynd, segir í nýrri skýrslu um stöðu og framtíðarhorfur evrópsks kvikmynda- og sjónvarpsiðnaðar. Þar er einnig bent á að bransinn sé ekki nægilega meðvitaður um hvaða áhrif þær miklu breytingar sem staðið hafa undanfarin ár muni hafa á framleiðslu og neyslu myndefnis.

Ný stjórn Wift kjörin

Wift konur létu ekki storminn stoppa sig í gærkvöldi og héldu á aðalfund Wift á Hallveigarstöðum, þar sem kosin var ný stjórn samtakanna.