Heim Saga

Saga

AGNES í sýningar á ný

Í tilefni 25 ára afmælis kvikmyndarinnar Agnes (1995) eftir Egil Eðvarðsson munu Sambíóin sýna endurbætta útgáfu myndarinnar frá næsta föstudegi.

Horfðu á JÓN OG SÉRA JÓN hér

Steinþór Birgisson höfundur heimildamyndarinnar vinsælu Jón og séra Jón (2011), hefur opnað fyrir ókeypis aðgang að myndinni og er hægt að nálgast hana hér.

Horfðu á VERSTÖÐINA ÍSLAND í heild sinni hér

Sú merka heimildaþáttaröð Verstöðin Ísland (1991) eftir Erlend Sveinsson, Sigurð Sverri Pálsson og Þórarinn Guðnason, er nú aðgengileg frítt á Vimeo og má nálgast hér.

Lífssaga kvikmyndar, eða hvernig SAGA BORGARÆTTARINNAR varð þjóðkvikmynd Íslands

Saga Borgarættarinnar (1920) eftir Gunnar Sommerfeldt, sem byggð var á samnefndri skáldsögu Gunnars Gunnarssonar, er fyrsta leikna kvikmyndin sem gerð er á Íslandi. Í tilefni aldarafmælis kvikmyndarinnar hefur Erlendur Sveinsson skrifað grein í Tímarit Máls og menningar þar sem hann rekur tilurðar-, viðtöku- og varðveislusögu myndarinnar. Greinin er aðgengileg hér.

Erlendur Sveinsson lítur yfir ferilinn

Erlendur Sveinsson á merkan feril að baki, bæði sem höfundur margra heimildamynda, en ekki síður sem baráttumaður fyrir varðveislu kvikmyndaarfs. Í upphafi ársins lét hann af störfum sem forstöðumaður Kvikmyndasafns Íslands og í nýjasta hefti Journal of Film Preservation sem FIAF, heimssamtök kvikmyndasafna, gefur út má finna grein eftir Erlend þar sem hann fer yfir langan feril sinn hjá Kvikmyndasafninu, en segja má að hann hafi verið meira og minna viðloðandi safnið allt frá stofnun þess 1978.

Fjallað um íslenska kvikmyndasögu í nýjasta hefti Ritsins

Íslenskar kvikmyndir er þema nýjasta heftis Ritsins, tímarits Hugvísindastofnunar Háskóla Íslands. Birtast um efnið fjórar ritrýndar greinar, þrjár sögulegar og ein þar sem fjallað er um ákveðna bíómynd, Húsið eftir Egil Eðvarðsson.

Þáttaröð Viðars Víkingssonar „Saga Sambandsins, ris-veldi-fall“ til sýnis á YouTube

Heimildaþáttaröð Viðars Víkingssonar, Saga Sambandsins, ris-veldi-fall (1999) má skoða í heild sinni á YouTube. Jón Viðar Jónsson leikhúsrýnir vakti athygli á þessu á dögunum á fésbókarsíðu sinni og ræðir verkið.

Endurbætt útgáfa af „Benjamín dúfu“ opnunarmynd Alþjóðlegrar barnamyndahátíðar

Benjamín dúfa (1995) verður opnunarmynd Alþjóðlegrar barnakvikmyndahátíðar í Reykjavík sem hefst í Bíó Paradís á fimmtudag, en endurbætt útgáfa myndarinnar hefur loksins litið dagsins ljós.

„Sjúgðu mig Nína“ sýnd á ný

Í tilefni þess að kvikmynd Óskars Jónassonar og félaga, Sjúgðu mig Nína (1985) er sýnd á Gamanmyndahátíðinni á Flateyri um helgina, birtir Klapptré umsagnir gagnrýnenda Þjóðviljans og Morgunblaðsins um myndina þegar hún kom út haustið 1985.

Prentútgáfa Lands & sona komin á vefinn

Prentútgáfa Lands & sona, málgagns kvikmyndagerðarmanna, sem gefið var út á árunum 1995-2008, er komin á vef Landsbókasafnsins, timarit.is, í heild sinni. Alls komu út 45 hefti. 

68 ár af íslenskum bíómyndum í tölum

Hagstofan birtir fróðlegt talnaefni á vef sínum um íslenskar bíómyndir 1949-2017. Þar kemur meðal annars fram að þær eru alls 191, konur hafa aðeins leikstýrt 12% þeirra, aðeins um fimmtungur er byggður á bókum, 12% þeirra eru barnamyndir, 40% er samframleiðsla með öðrum þjóðum og spennumyndir sækja verulega á þrátt fyrir að drama og grín sé algengast.

Þórhildur Þorleifsdóttir um „Stellu í orlofi“: Skipti sköpum að hér voru konur að verki

Hugrás birtir viðtal Björns Þórs Vilhjálmssonar við Þórhildi Þorleifsdóttur um Stellu í orlofi, samstarfið við leikarana og hvernig það var að stíga út úr leikhúsinu og inn í kvikmyndaheima.

Ágúst Guðmundsson ræðir gerð og viðtökur „Lands og sona“

Ágúst Guðmundsson hélt erindi um gerð og viðtökur Lands og sona, lykilverks íslenska kvikmyndavorsins, á vegum kvikmyndafræði Háskóla Íslands þann 21. september 2017. Erindi Ágústs má horfa á hér. Björn Þór Vilhjálmsson, lektor í kvikmyndafræði, ræddi jafnframt við Ágúst um myndina, ferilinn og íslenska kvikmyndagerð.

Reynir Oddsson og námið í London Film School í lok sjötta áratugsins

Reynir Oddsson leikstjóri og handritshöfundur Morðsögu (1977) var fyrsti Íslendingurinn til að stunda nám við þann sögufræga skóla, London Film School, sem Gísli Snær Erlingsson stýrir nú. Reynir var þar við nám veturinn 1958-59, en skólinn, sem þá hét London School of Film Technique, var stofnaður 1956 meðan formleg kvikmyndakennsla hófst 1957. Hann rifjar upp minningar sínar frá þessum tíma.

Saga | Þegar Ísland komst á kvikmyndakortið

Um leið og Klapptré óskar lesendum sínum gleðilegra jóla og farsæls komandi árs, birtist hér samantekt Eggerts Þórs Bernharðssonar sagnfræðings um gerð kvikmyndarinnar Sögu Borgarættarinnar sumarið 1919. Þetta var fyrsta kvikmyndin í fullri lengd sem tekin var upp hér á landi.

Einars Heimissonar minnst með nýrri heimildamynd, „Undur einnar stundar“

Einar Heimisson sagnfræðingur, rithöfundur og kvikmyndahöfundur hefði orðið fimmtugur í dag, en hann lést aðeins 31 árs að aldri 1998. Hans verður minnst í kvöld í Seltjarnarneskirkju kl. 20, þar sem meðal annars verður frumsýnd ný heimildamynd um hann og verk hans, Undur einnar stundar, sem Kristrún Heimisdóttir systir Einars og Karl Lilliendahl kvikmyndagerðarmaður hafa gert. Allir eru velkomnir og aðgangur ókeypis.

Minning | Gunnar Eyjólfsson 1926-2016

Gunnar Eyjólfsson, leikari, er látinn níutíu ára að aldri. Auk leikhúsvinnu sinnar kom fram í fjölda kvikmynda og sjónvarpsmynda á löngum ferli.

MEST LESIÐ

Ástralska útgáfan af HRÚTUM gerir það gott í heimalandinu, Sam Neill tilnefndur sem besti leikari í aðalhlutverki

Rams, ástralska útgáfan af Hrútum Gríms Hákonarsonar með Sam Neill í aðalhlutverki, er að gera það gott í kvikmyndahúsum Ástralíu þessa dagana. Myndin opnaði í efsta sæti og hefur nú verið sýnd í fimm vikur við miklar vinsældir.

Stiklur þriggja væntanlegra heimildamynda, SÓLVEIG MÍN, HÆKKUM RÁNA og THE AMAZING TRUTH ABOUT DADDY GREEN

IDFA heimildamyndahátíðin sem nú stendur yfir, hefur birt stiklu þar sem þrjár væntanlegar íslenskar heimildamyndir eru kynntar, Sólveig mín eftir Körnu Sigurðardóttur og Claire Lemaire Anspach, Hækkum rána eftir Guðjón Ragnarsson og The Amazing Truth about Daddy Green eftir Olaf de Fleur. Stikluna má skoða hér.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.