Klapptré » 2017 » February

Sólveig Anspach verðlaunuð á César verðlaunahátíðinni

Sólveig Anspach vann til verðlauna á César verðlaunahátíðinni, uppskeruhátíð franska kvikmyndabransans. Verðlaunin vann hún ásamt Jean-Luc Gaget fyrir besta frumsamda handrit fyrir fransk/íslensku kvikmyndina Sundáhrifin. Sólveig lést langt fyrir aldur fram árið 2015 eftir baráttu við krabbamein.

Posted On 28 Feb 2017

, By Klapptré

Andlát | Viðar Oddgeirsson

Viðar Oddgeirsson, yfirmaður tæknisviðs fréttastofu RÚV, er látinn sextugur að aldri. Hann varð bráðkvaddur á heimili sínu síðastliðinn föstudag.

Posted On 27 Feb 2017

, By Klapptré

Helga Rós V. Hannam á Eddunni: „Enginn á að þola slíkt ofbeldi“

Helga Rós V Hannam, sem hlaut Edduna fyrir bestu búningahönnun fyrir myndina Hjartastein, varði stærstum hluta ræðu sinnar í að hvetja fólk til að sameinast gegn ofbeldi. Hú vísaði til þess að tveir ungir leikarar í myndinni, Eyvindur Runólfsson og Karen Agnarsdóttir, urðu fyrir alvarlegri líkamsárás í miðbæ Reykjavíkur um síðustu helgi. Eyvindur hlaut heilablæðingu og komst ekki til meðvitundar fyrr en á miðvikudag. Hann hefur nú verið útskrifaður af sjúkrahúsi.

Posted On 27 Feb 2017

, By Klapptré

Gunnar Baldursson, heiðursverðlaunahafi ÍKSA 2017: „Það sem ég lærði fyrst var að skríða“

Gunnar H. Baldursson hlaut heiðursverðlaun Eddunnar fyrir áratugastörf við leikmyndagerð í sjónvarpi og kvikmyndum á afhendingu Eddunnar í gærkvöldi. Óhætt er að segja að hann hafi farið á kostum í þakkarræðu sinni.

Posted On 27 Feb 2017

, By Klapptré

“Hjartasteinn” valin bíómynd ársins á Eddunni, fékk alls níu verðlaun

Kvikmyndin Hjartasteinn í leikstjórn Guðmundar Arnars Guðmundssonar var ótvíræður sigurvegari Eddunnar 2017 þegar verðlaunin voru afhent við hátíðlega athöfn á Hótel Hilton Reykjavík Nordica fyrr í kvöld og sjónvarpað beint, í opinni dagskrá á RÚV.

Posted On 27 Feb 2017

, By Klapptré

Aðsókn | 18 þúsund á “Hjartastein” eftir sjöundu helgi

Hjartasteinn Guðmundar Arnars Guðmundssonar, sem valin var bíómynd ársins á Eddunni í gærkvöldi, er nú í 11. sæti á aðsóknarlista FRÍSK með alls 18.001 gesti eftir sjö vikur.

Posted On 27 Feb 2017

, By Klapptré

Fjöldi nýrra áhugaverðra mynda á Stockfish hátíðinni

Stockfish hátíðin hefst á morgun fimmtudag í Bíó Paradís. Opnunarmyndin er The Other Side of Hope eftir sjálfan Aki Kaurismäki sem hlaut Silfurbjörninn á nýafstaðinni kvikmyndahátíð Berlinale fyrir bestu leikstjórn. Um 30 kvikmyndir eru sýndar á hátíðinni auk þess sem boðið er uppá fjölda viðburða þar sem kvikmyndir (og sjónvarpsefni) er reifað frá ýmsum sjónarhornum.

Posted On 22 Feb 2017

, By Klapptré

Aðsókn | Um 17.500 á “Hjartastein” eftir sjöttu helgi

Hjartasteinn Guðmundar Arnars Guðmundssonar er áfram í fimmta sæti á aðsóknarlista FRÍSK með alls 17,502 gesti eftir sex vikur.

Posted On 20 Feb 2017

, By Klapptré

Krummaskuðið Ísland

Ásgeir H. Ingólfsson skrifar hugleiðingu um inntak og sýn nokkurra nýlegra íslenskra kvikmynda á samfélag sitt. Hann notar kvikmyndirnar Hjartastein og American Honey sem einskonar stökkpall og segir þær "tvær splunkunýjar myndir um unglingsástir og greddu í íslensku krummaskuði og bandarískum smábæjum og vegamótelum. Þær segja okkur heilmikið um þá kvöl og gleði sem fylgir því að vera ungur – en bara önnur þeirra segir okkur eitthvað að ráði um samfélagið sem hún sprettur úr."

Posted On 18 Feb 2017

, By Klapptré

Ragnar Bragason í viðtali: Heimur kvenna er vannýttur

Stundin birti á dögunum ítarlegt viðtal við Ragnar Bragason leikstjóra þar sem hann fer yfir feril sinn, segir frá upprunanum, ræðir um Fanga og einnig framtíðarplön.

Posted On 18 Feb 2017

, By Klapptré

“Hjartasteinn” fær tvenn Scope100 dreifingarverðlaun og tvenn verðlaun í Frakklandi

Hjartasteinn eftir Guðmund Arnar Guðmundsson hlaut á dögunum Scope100 dreifingarverðlaunin í Portúgal og Svíþjóð sem tryggir myndinni dreifingu í báðum löndum. Myndin hlaut svo um helgina dómnefndarverðlaun ungmenna og sérstök verðlaun dómnefndar á Festival International du Premier Film d'Annonay í Frakkland

Posted On 18 Feb 2017

, By Klapptré

“Dýrið” og “Vetrarbraut” hljóta þróunarstyrki frá Norræna kvikmynda- og sjónvarpssjóðnum

Fantasían Dýrið í leikstjórn Valdimars Jóhannssonar og vísindaskáldskapurinn Vetrarbraut í leikstjórn Þóru Hilmarsdóttur hafa hlotið Nordic Genre Boost þróunarstyrki frá Norræna kvikmynda- og sjónvarpssjóðnum upp á tæplega 2,7 milljónir íslenskra króna hvor.

Posted On 18 Feb 2017

, By Klapptré

[Stikla] Heimildamyndin “Línudans” frumsýnd á Stockfish

Heimildamyndin Línudans eftir Ólaf Rögnvaldsson verður Íslandsfrumsýnd á Stockfish hátíðinni sem fram fer dagana 23. febrúar til 5. mars. Myndin, sem frumsýnd var á Lubeck hátíðinni s.l. haust, fjallar um baráttu bænda og landeigenda gegn lagningu Blöndulínu 3 sem Landsnet hyggst leggja frá Blönduvirkjun til Akureyrar, um Vatnsskarð, Skagafjörð, Öxnadalsheiði og Hörgárdal.

Posted On 18 Feb 2017

, By Klapptré

LevelK höndlar alþjóðlega sölu á “Grimmd”

Danska sölufyrirtækið LevelK fer með alþjóðlega sölu á kvikmynd Antons Sigurðssonar, Grimmd, sem frumsýnd var í október síðastliðnum og varð önnur vinsælasta mynd ársins.

Posted On 13 Feb 2017

, By Klapptré

71 alþjóðleg verðlaun til íslenskra kvikmynda og sjónvarpsþátta 2016

Íslenskar kvikmyndir halda áfram að sópa til sín miklum fjölda alþjóðlegra verðlauna, auk þess sem leikið sjónvarpsefni er einnig komið á verðlaunapallana. Alls hlutu íslenskar kvikmyndir og sjónvarpsefni 71 alþjóðleg verðlaun á árinu 2016.

Posted On 13 Feb 2017

, By Klapptré

Hildur Guðnadóttir semur tónlist við framhald “Sicario”

Hildur Guðnadóttir mun gera tónlistina við kvikmyndina Soldado, sem er framhaldsmynd spennumyndarinnar Sicario frá árinu 2015. Hildur tók þátt í gerð tónlistarinnar í fyrri myndinni sem sellóleikari, en það var Jóhann Jóhannsson sem þá samdi tónlistina og hlaut hann BAFTA- og Óskarsverðlaunatilnefningu fyrir.

Posted On 13 Feb 2017

, By Klapptré

Aðsókn | Rúm sextán þúsund séð “Hjartastein” eftir fimmtu helgi

Hjartasteinn Guðmundar Arnars Guðmundssonar er nú í fimmta sæti á aðsóknarlista FRÍSK með alls 16,475 gesti eftir fimm vikur.

Posted On 13 Feb 2017

, By Klapptré

True North kynnir næstu verkefni í Berlín; “Slóð fiðrildanna”, tvær spennuseríur og huldufólkshrollvekju

True North kynnir næstu verkefni á yfirstandandi Berlínarhátíð. Þeirra á meðal eru bíómynd eftir skáldsögu Ólafs Jóhanns Sigurðssonar, Slóð fiðrildanna, sakamálasería byggð á bókum Stefáns Mána og þáttaröð um raðmorðingja í Reykjavík. ScreenDaily skýrir frá.

Posted On 13 Feb 2017

, By Klapptré

Baltasar kynnir spennuþætti um Kötlu í Berlín

Baltasar Kormákur hefur í hyggju að gera sjónvarpsþætti þar sem eldfjallið Katla verður í ákveðnu aðalhlutverki. Hugmyndin er að þættirnir gerist í Reykjavík þegar Katla hefur gosið samfellt í tvö ár með tilheyrandi eignatjóni og hættu fyrir þá sem eru í landinu.

Posted On 13 Feb 2017

, By Klapptré

“Toni Erdmann” opnar Þýska kvikmyndadaga í Bíó Paradís

Bíó Paradís og Goethe Institut í Danmörku standa fyrir Þýskum kvikmyndadögum í sjöunda sinn dagana 10. – 19. febrúar í samstarfi við Þýska sendiráðið. Að þessu sinni verða á boðstólnum sex nýjar myndir, en hátíðin hefst með hinni margumtöluðu Toni Erdmann í leikstjórn Maren Ade, sem meðal annars hefur verið tilnefnd til Óskarsverðlauna.

Posted On 10 Feb 2017

, By Klapptré

Eva María Daníels einn framleiðenda “The Dinner” sem er í keppni á Berlinale, gerir einnig mynd með Amy Adams

Eva María Daníels er einn framleiðenda bandarísku kvikmyndarinnar The Dinner í leikstjórn Oren Moverman. Myndin tekur þátt í aðalkeppni Berlínarhátíðarinnar og er frumsýnd í dag. Með helstu hlutverk fara Richard Gere, Laura Linney, Steve Coogan, Chloë Sevigny og Rebecca Hall.

Posted On 10 Feb 2017

, By Klapptré

Yaddo, ný efnisveita tileinkuð heimildamyndum, óskar eftir hugmyndum

Yaddo, stafræn heimildamyndaveita, er nú aðgengileg í 154 löndum (þó ekki á Íslandi). Til þess að marka upphaf þessarar nýju veitu óskar Yaddo eftir hugmyndum og sögum frá einstaklingum og sjálfstæðum framleiðendum um allan heim. Forsprakki Yaddo er Nick Fraser, margverðlaunaður heimildaþátttaframleiðandi og fyrverandi dagskrástjóri BBC Storyville, eins virtasta dagsskrárglugga á sviði heimildarmynda í dag.

Posted On 10 Feb 2017

, By Klapptré

X-faktorinn í íslensku sjónvarpsefni

Morgunblaðið fjallar um leikið íslenskt sjónvarpsefni og möguleika þess á alþjóðlegum markaði. Rætt er við Skarphéðinn Guðmundsson dagskrárstjóra RÚV og Davíð Óskar Ólafsson framleiðanda Fanga um stöðuna og horfur framundan.

Posted On 09 Feb 2017

, By Klapptré

Ný bók um kvikmyndafræði komin út

Arnar Elísson kvikmyndafræðingur hefur gefið út bókina Kvikmyndafræði fyrir framhaldsskóla sem er hugsuð sem kennslubók í kvikmyndafræðum. Í bókinni, sem er ókeypis og hægt að hlaða niður, er fjallað um helstu hugtök í kvikmyndafræðum og farið yfir helstu áfanga kvikmyndasögunnar. Sérstakur kafli er um íslenskar kvikmyndir.

Posted On 09 Feb 2017

, By Klapptré

Klapptré er vefur um kvikmyndir og sjónvarp með sérstaka áherslu á Ísland, en birtir einnig efni um alþjóðlegar kvikmyndir og sjónvarpsefni.

Klapptré birtir fréttir um það sem hæst ber hverju sinni í íslenskum kvikmynda- og sjónvarpsheimi. Fréttaflutningur er byggður á siðareglum Blaðamannafélags Íslands.

Klapptré birtir reglulega hverskyns viðhorf og vangaveltur um kvikmyndir og sjónvarp, þar með talið gagnrýni. Ýmsir pennar koma þar við sögu. Viðhorf þeirra þurfa ekki endilega að endurspegla viðhorf Klapptrés.

Klapptré leggur áherslu á aðgengi að tölulegum upplýsingum um íslenska kvikmynda- og sjónvarpsbransann.

Klapptré er sjálfstæður miðill. Ritstjóri og ábyrgðarmaður er Ásgrímur Sverrisson.

Klapptré lagar sig að því tæki sem þú kýst að nota til að skoða vefinn, hvort heldur sem er tölva, spjaldtölva eða snjallsími.

Klapptré vill þakka Kvikmyndamiðstöð Íslands fyrir stuðning við útgáfuna. Ennfremur ber að þakka þeim fjölmörgu framleiðslu- og þjónustufyrirtækjum kvikmyndaiðnaðarins sem styðja við miðilinn.