Mánaðarlegt færslusafn July, 2018

Gísli Snær Erlingsson: Nemendur besta auglýsingin

Morgunblaðið ræðir við Gísla Snæ Erlingsson sem tók nýverið við skólastjórataumunum í London Film School, einum elsta kvikmyndaskóla heims. Hann ræðir um skólann, verkefnin framundan og breytingarnar sem kvikmyndaheimurinn er að ganga í gegnum.

„Svanurinn“ fær dómnefndarverðlaun í Japan

Svanurinn eftir Ásu Helgu Hjörleifsdóttur hlaut á dögunum sérstaka viðurkenningu dómnefndar á Skip City kvikmyndahátíðinni í Japan. Þetta eru fjórðu alþjóðlegu verðlaun myndarinnar.

„Kona fer í stríð“ tilnefnd til Lux verðlaunanna

Kona fer í stríð eftir Benedikt Erlingsson hefur verið tilnefnd til Lux verðlauna Evrópuþingsins. Þetta er í fyrsta sinn sem íslensk kvikmynd hlýtur tilnefningu til þessara verðlauna.

„Kona fer í stríð“ vekur sterk viðbrögð í Frakklandi

Kona fer í stríð Benedikts Erlingssonar hefur fengið afar jákvæðar umsagnir og góða aðsókn í Frakklandi en þar er hún nú sýnd í á þriðja hundrað kvikmyndahúsum.

Hafsteinn Gunnar Sigurðsson valin besti leikstjórinn fyrir „Undir trénu“ á Skip City hátíðinni í Japan

Hafsteinn Gunnar Sigurðsson hlaut leikstjórnarverðlaunin fyrir mynd sína Undir trénu á Skip City International D-Cinema Festival í Japan, sem lauk um síðustu helgi. Þetta eru fimmtu alþjóðlegu verðlaun myndarinnar.

Þrír Íslendingar í nýju „Fantastic Beasts“ myndinni

Þrír íslenskir leikarar, Ingvar E. Sigurðsson, Ólafur Darri Ólafsson og Álfrún Gísladóttir koma fram í kvikmyndinni Fantastic Beasts: The Crimes of Grindelwald úr smiðju J.K. Rowling. Myndinnni er leikstýrt af David Yates sem stýrði einnig mörgum Harry Potter myndanna og er væntanleg í haust. Hér má sjá Ingvar E. reffilegan á kynningarplakati við hlið Johnny Depp.

Aðsókn | „Adrift“ nálgast tólf þúsund gesti eftir fimm vikur, „Kona fer í stríð“ nálgast fimmtán þúsund eftir átta

Adrift Baltasars Kormáks er með um ellefu þúsund og fimm hundruð gesti eftir fimmtu sýningarhelgi. Kona fer í stríð eftir Benedikt Erlingsson með um fjórtán þúsund og fimm hundruð gesti eftir áttundu sýningarhelgi.

„Reynir sterki“ og „Viktoría“ fulltrúar Íslands á Nordisk Panorama

Heimildamyndin Reynir sterki eftir Baldvin Z og stuttmyndin Viktoría eftir Brúsa Ólason hafa verið valdar til þátttöku á Nordisk Panorama sem fram fer í Malmö 20.-25. september næstkomandi.

„Abbababb!“ Nönnu Kristínar Magnúsdóttur fær 120 milljóna vilyrði úr Kvikmyndasjóði

Abbababb! í leikstjórn Nönnu Kristínar Magnúsdóttur hefur fengið 120 milljón króna vilyrði frá Kvikmyndamiðstöð. Ásgrímur Sverrisson skrifar handritið, sem byggt er á samnefndum söngleik Dr. Gunna. Júlíus Kemp og Ingvar Þórðarson framleiða fyrir Kvikmyndafélag Íslands.

Heimildamyndin „UseLess“ fær tvenn verðlaun í Frakklandi

Heimildamyndin UseLess eftir Rakel Garðarsdóttur og Ágústu M. Ólafsdóttur fékk á dögunum tvær viðurkenningar á kvikmyndahátíðinni Deauville Green Awards sem fer fram ár hvert í Deauville í Frakklandi.  Þetta voru annars vegar silfurverðlaun í flokknum Fight and adaption to climate change og hins vegar sérstaka viðurkenningu frá EcoAct.

„Kona fer í stríð“ á stuttlista LUX verðlaunanna

Kona fer í stríð eftir Benedikt Erlingsson er meðal tíu mynda á stuttlista LUX verðlaunanna sem Evrópuþingið veitir. Myndirnar tíu eru nú kynntar á Karlovy Vary hátíðinni en þær þrjár sem hljóta endanlega tilnefningu verða kynntar í lok sumars.

„Undir trénu“ sýnd í kvikmyndahúsum víða um heim

Undir trénu eftir Hafstein Gunnar Sigurðsson má sjá í pólskum, norskum, sænskum, belgískum og hollenskum kvikmyndahúsum þessa dagana. Myndin hefur fengið mjög góðar viðtökur og fær meðal annars 5 stjörnur hjá gagnýnanda NRK í Noregi og 4 stjörnur í Aftenposten.