Árlegt færslusafn 2018

Margrét Örnólfsdóttir tilnefnd til handritsverðlauna fyrir „Flateyjargátuna“

Margrét Örnólfsdóttir hef­ur verið til­nefnd til handritsverðlauna Norræna kvikmynda- og sjónvarpssjóðsins fyrir Flateyjargátuna. Verðlaunin eru veitt á Gautaborgarhátíðinni sem hefst í lok janúar, fyrir besta hand­ritið í flokki sjón­varpsþátt­araða á Norður­lönd­um.

Baltasar Kormákur um „Ófærð 2“: Vildi segja eitthvað sem skiptir máli

„Markmiðið var að reyna að gera betur. Mig langaði til að nota tækifærið og fjalla um eitthvað sem skiptir mig máli og nota þrillerinn, án þess að tapa spennu og skemmtanagildi, til þess að fjalla um viðkvæmari mál eins og Ísland og landvernd," segir Baltasar Kormákur um nýja syrpu þáttaraðarinnar Ófærð sem frumsýnd verður á RÚV annan dag jóla.

[Stikla,plakat] „Tryggð“

Tryggð, fyrsta mynd Ásthildar Kjartansdóttur í fullri lengd, verður frumsýnd á fyrstu vikum nýs árs, Stikla og plakat myndarinnar hafa nú verið opinberuð.

[Stikla] „Fullveldis Festival“ á fjörtíu mínútum

Innslög Berglindar Pétursdóttur (Berglind Festival) um fullveldisafmælið, sem birtust í Vikunni Gísla Marteins Baldurssonar á haustmánuðum verða auk viðbótarefnis sett saman í eina 40 mínútna kvikmynd, Fullveldis Festival Sagan öll, sem sýnd verður á RÚV þann 21. desember. Steingrímur Dúi Másson leikstýrir og framleiðir.

„Víti í Vestmannaeyjum“ verðlaunuð á Indlandi

Bragi Þór Hinriksson, leikstjóri kvikmyndarinnar Víti í Vestmannaeyjum, hlaut verðlaun sem besti leikstjórinn á kvikmyndahátíðinni SIFFCY (Smile International Film Festival for Children & Youth) sem lauk um helgina í Nýju Delí á Indlandi.

Hvernig við gerðum „Þvert á tímann“

Sigurður Sverrir Pálsson og Erlendur Sveinsson frumsýna heimildamynd sína Þvert á tímann þann 16. desember, en myndin fjallar um dag í lífi Matthíasar Johannessen skálds og fyrrum ritstjóra Morgunblaðsins. Hér segja þeir frá því hvernig myndin var gerð og hversvegna tók næstum tvo áratugi að klára hana.

Erlendur Sveinsson um „Þvert á tímann“: Ritstjórinn og skáldið slást um tímann

Erlendur Sveinsson og Sigurður Sverrir Pálsson frumsýna heimildamynd sína Þvert á tímann í Háskólabíói sunnudaginn 16. desember. Myndin lýsir einum degi í lífi Matthíasar Johannessen skálds og ritstjóra, en tökur fóru að mestu fram 2000-2001.

Jodie Foster verður Dóra Wonder

Eða nákvæmara: Jodie Foster mun leikstýra og fara með aðalhlutverkið í endurgerð kvikmyndarinnar Kona fer í stríð eftir Benedikt Erlingsson þar sem Halldóra Geirharðsdóttir lék titilhlutverkið.

„Búi“ vinnur í Berlín

Búi, stuttmynd Ingu Lísu Middleton, hlaut sérstaka viðurkenningu barnadómnefndar (special mention) í flokknum 8+ & 10+ á kvikmyndahátíðinni KUKI fyrir börn og unglinga. Hátíðin fór fram í Berlín í Þýskalandi.

Ása Helga Hjörleifsdóttir kynnir „Svar við bréfi Helgu“ í Les Arcs

Ása Helga Hjörleifsdóttir mun kynna Svar við bréfi Helgu, nýtt verkefni sitt sem nú er í vinnslu, á samframleiðslumessunni sem fram fer á Les Arcs kvikmyndahátíðinni dagana 15.-22. desember næstkomandi.

[Stikla] Heimildamyndin „Svona fólk“ frumsýnd

Heimildarmyndin Svona fólk eftir Hrafnhildi Gunnarsdóttur var frumsýnd í Bíó Paradís í gær en almennar sýningar hefjast í dag. Myndin fjallar um baráttu íslenskra homma og lesbía fyrir fullum lagalegum mannréttindum. Sú saga er um margt sérstök og óvenjuleg segir í kynningu, en fáir minnihlutahópar hafa náð jafn langt á eins skömmum tíma og fá samfélög í heiminum tekið eins snöggum stakkaskiptum.

Heimildamyndin „In Touch“ verðlaunuð á IDFA

Íslenska/pólska heimildarmyndin In Touch eftir Pawel Ziemilski vann til sérstakra dómnefndarverðlauna í aðalkeppni á IDFA sem fer fram í Amsterdam um þessar mundir. Þetta er fyrsta íslenska heimildarmyndin sem vinnur til verðlauna í aðalkeppni á hátíðinni, sem er sú stærsta og virtasta á sínu sviði.