Mánaðarlegt færslusafn February, 2015

Kvöldstund með Eddu

Christopher Orr, kvikmyndagagnrýnandi hjá bandaríska tímaritinu The Atlantic, var einn gesta Stockfish hátíðarinnar. Hann hefur nú birt grein þar sem hann fjallar um Edduverðlaunahátíðina um síðustu helgi. Þar lýsir hann upplifun sinni af hátíð sem hefur kunnuglega uppbyggingu en sé engu að síður framandi þar sem hann skilji ekki orð af því sem fram fer.

Netflix til Íslands á seinni hluta ársins

Gert er ráð fyrir að opnað verði fyrir Netflix á Íslandi seint á árinu. Árni Samúelsson hjá Samfilm (Sambíóunum) staðfestir að samningar hafi tekist milli hans sem rétthafa og efnisveitunnar.

Guðný Halldórsdóttir: Atlaga að íslenskri kvikmyndamenningu

Guðný Halldórsdóttir leikstýra heldur því fram að í kvikmyndamiðstöð hafi konur ekki sömu tækifæri og karlar sem leikstjórar og handritshöfundar. Þannig hafi það verið undanfarin ár og þetta sé vegna þess að ekki megi opna munninn í þeirri stofnun og gagnrýna vinnubrögðin, því þá sé alveg gefið að þér verði ýtt úr biðröðinni og steinn lagður í götu þína.

Stockfish krítík: Two Men in Town og Im keller

Gunnar Theodór Eggertsson fjallaði í kvikmyndapistli í Víðsjá, fimmtudaginn 26. febrúar, um Two Men in Town eftir Rachid Bouchareb heiðursgest hátíðarinnar og Im Keller eftir Ulrich Seidl en báðar eru þær sýndar á Stockfish-kvikmyndahátíðinni í Bíó Paradís sem stendur yfir til 1. mars.

Sigurður Sverrir Pálsson tökumaður heiðraður á Stockfish

Stockfish hátíðin hefur staðið fyrir sérstökum hátíðarsýningum á myndum sem Sigurður Sverrir Pálsson hefur kvikmyndað. Í fyrrakvöld var Tár úr steini sýnd að Sigurði Sverri viðstöddum og í gærkvöldi Land og synir. Við það tækifæri veitti Félag íslenskra kvikmyndatökustjóra (ÍKS) Sigurði Sverri sérstaka viðurkenningu fyrir störf sín við íslenska kvikmyndagerð. Í kvöld (fimmtudagskvöld) verður svo sýnd kvikmyndin Kaldaljós og mun Sigurður Sverrir svara spurningum gesta á eftir sýningu.

Laufey um stöðuna

Laufey Guðjónsdóttir framkvæmdastjóri Kvikmyndamiðstöðvar Íslands fer yfir stöðuna í íslenskri kvikmyndagerð í spjalli við vef Norræna kvikmynda- og sjónvarpssjóðsins.

Sagafilm leitar á erlend mið

Kjartan Þór Þórðarson er í viðtali við vef Norræna kvikmynda- og sjónvarpssjóðins í tilefni stofnunar Sagafilm Nordic í Stokkhólmi á síðasta ári. Kjartan segir stefnuna vera að stækka markaðinn með samstarfi við alþjóðlega framleiðendur.

Fleiri góðar á Stockfish

Gunnar Theodór Eggertsson fjallar um kvikmyndirnar Tangerines, Adieu au langage og What We Do In The Shadows, sem allar eru sýndar á kvikmyndahátíðinni Stockfish sem nú stendur yfir í Bíó Paradís.

Um kynjakvóta og risaeðlur feðraveldisins

Dögg Mósesdóttir formaður WIFT á Íslandi vill skoða kynjakvóta varðandi styrki til kvikmyndagerðar en Friðrik Þór Friðriksson formaður SKL segir það fáránlegt. Fjörlegar umræður skapast um málið á Fésbók.

Hreyfing á „Rúntinum“ Steingríms Dúa Mássonar

Kvikmyndagerðarmennirnir Friðrik Þór Friðriksson og Steingrímur Dúi Másson vinna þessi misserin að gerð 10 þátta sjónvarpsþáttaraðar sem byggir á heimildarmyndinni Rúntinum sem tekin var upp árið 1999 en aldrei kláruð.

Guðmundur Andri um „Vonarstræti“ og „París norðursins“

Guðmundur Andri Thorsson skrifar pistil í Fréttablaðið um Vonarstræti og París norðursins. Hann segir þá fyrrnefndu dregna stórum dráttum, allt að því melódramatíska og 19. aldarlega í rómantískri sýn sinni á ógæfu og synd en hina innhverfa og ísmeygilega.

Tólf Eddur til „Vonarstrætis“

Vonarstræti Baldvins Z hlaut alls tólf Eddur á nýafstaðinni Edduverðlaunahátíð, þar á meðal fyrir mynd ársins, leikstjóra, handrit og aðalhlutverk kvenna og karla. Þá hirti RÚV flest verðlaunin sjónvarpsmegin.

Nokkrar góðar á Stockfish

Gunnar Theodór Eggertsson kvikmyndagagnrýnandi Víðsjár RÚV fjallar um myndirnar Blowfly ParkIdaThe Trip to Italy og A Girl Walks Home At Night sem sýndar eru á kvikmyndahátíðinni Stockfish.

Ertu bíóskæruliði?

Klapp kvikmyndafélag, samvinnufélag kvikmyndagerðarfólks, blæs til skærumyndaverkefnis í vor, í annað sinn. Verðandi og núverandi kvikmyndagerðafólk sem hefur áhuga á að gera eigin stuttmynd fær ýmiskonar stuðning við framleiðsluna.

Viðhorf | Hverjir fá Eddu?

Vonarstræti og París norðursins fá báðar 12 tilnefningar til Edduverðlauna en líklegt má telja að sú fyrrnefnda verði sigurvegari kvöldsins. París á þó góða möguleika í að minnsta kosti fjórum flokkum. Ásgrímur Sverrisson spáir í mögulega niðurstöðu.

Hver er besta íslenska bíómyndin?

Aðstandendur Stockfish hátíðarinnar spurðu tólf valinkunna kvikmyndaspekúlanta hvaða mynd þeim þætti sú besta í íslenskri kvikmyndasögu. Svörin eru hér.