Nú þegar hyllir undir lok Berlínarhátíðarinnar, þar sem Fúsi Dags Kára hefur gert gott mót, eru kvikmyndamiðlar farnir að spá í Cannes hátíðina sem fram fer í maí.
Cineuropa tínir til fjölda mynda sem taldar eru eiga möguleika á að komast í opinbert val hátíðarinnar. Meðal þeirra sem vefurinn telur rétt að hafa auga með er Þrestir Rúnars Rúnarssonar, sem nú er í eftirvinnslu, en fyrsta bíómynd hans Eldfjall var frumsýnd í Cannes á sínum tíma auk þess sem stuttmynd hans Síðasti bærinn hlaut þar verðlaun.
Þá nefnir Cineuropa einnig mynd Gríms Hákonarsonar, Hrúta, sem mynd með möguleika. Sú mynd er einnig í eftirvinnslu en vetrartökum á henni lauk í janúar.
Sjá nánar hér: The Croisette comes into focus – Cineuropa.
