“Hvítur, hvítur dagur” fær viðurkenningu á CineMart samframleiðslumessunni

Hvítur, hvítur dagur eftir Hlyn Pálmason var eitt fjögurra verkefna í vinnslu sem hlutu sérstaka viðurkenningu á CineMart samframleiðslumessunni á Rotterdam í dag.
Posted On 31 Jan 2018

Brellustikla “Stellu Blómkvist” opinberuð

Sigurgeir Arinbjarnarson og samstarfsfólk hans hjá myndbrellufyrirtækinu Kontrast hefur opinberað brellustiklu (VFX Breakdown) þáttaraðarinnar Stellu Blómkvist og má skoða hana hér. Næstum 400 brelluskot voru unnin fyrir þáttaröðina.
Posted On 30 Jan 2018

Midpoint skilafrestur nálgast óðfluga

Handritavinnustofan Midpoint fer fram í tengslum við Stockfish hátíðina dagana 10.-11. mars næstkomandi. Frestur til að senda inn handrit í vinnslu rennur út 9. febrúar. Vinnustofan er ætluð þeim sem eru að vinna að sinni fyrstu eða annarri mynd.
Posted On 30 Jan 2018

Glassriver kynnir væntanleg verkefni í Gautaborg

Glassriver, nýtt framleiðslufyrirtæki Baldvins Z., Harðar Rúnarssonar, Arnbjargar Hafliðadóttur og Andra Óttarssonar, mun kynna væntanleg verkefni sín fyrir meðframleiðendum og dreifingaraðilum á Gautaborgarhátíðinni.
Posted On 30 Jan 2018

Spjallað við handritshöfunda “Stellu Blómkvist”

Á fréttavef Norræna kvikmynda- og sjónvarpssjóðsins er rætt við handritshöfunda þáttaraðarinnar Stellu Blómkvist; Jóhann Ævar Grímsson, Nönnu Kristínu Magnúsdóttur og Andra Óttarsson. Verkið keppir nú um Norrænu sjónvarpsverðlaunin á Gautaborgarhátíðinni.
Posted On 30 Jan 2018

Ingvar Þórðarson um “Óþekkta hermanninn”: Liggur við að þú finnir fyrir kúlunum

Ingvar Þórðarson er í viðtali við Morgunblaðið um finnsku stórmyndina Óþekkta hermanninn (Tuntematon sotilas), sem hann og Júlíus Kemp eru meðframleiðendur að. Myndin er nú sýnd í Bíó Paradís.
Posted On 30 Jan 2018

“Hvítur, hvítur dagur” valin á virtar evrópskar samframleiðslumessur

Hvítur, hvítur dagur, væntanleg bíómynd Hlyns Pálmasonar, var annað tveggja verkefna í vinnslu sem voru valin á tvo mikilvægustu samframleiðslumarkaði Evrópu, Cinemart í Rotterdam og Berlinale Co-production Market í Berlín. Rotterdam hátíðin er nú hafin en Berlinale hefst 15. febrúar. Um er að ræða sérstakt samstarf þessara tveggja hátíða sem kallast Rotterdam-Berlinale Express og var stofnað 2002.
Posted On 30 Jan 2018

Aðsókn | Gestum á “Svaninn” fjölgar milli vikna

Svanurinn eftir Ásu Helgu Hjörleifsdóttur er áfram á ágætu skriði og hefur nú fengið tæplega 3,200 gesti eftir fjórðu sýningarhelgi.
Posted On 29 Jan 2018

Cineuropa um “Andið eðlilega”: Svona er kerfið

Vassilis Economou skrifar í Cineuropa um Andið eðlilega eftir Ísold Uggadóttur sem var valin besti erlendi leikstjórinn á nýliðinni Sundance hátíð. Hann segir myndina koma fyrir sem einarða lýsingu á lítt þekktum félagslegum aðstæðum á Íslandi.
Posted On 29 Jan 2018

Ísold Uggadóttir fær leikstjórnarverðlaun fyrir “Andið eðlilega” á Sundance

Ísold Uggadóttir hlaut í gærkvöldi leikstjórnarverðlaunin í flokki erlendra mynda á Sundance hátíðinni fyrir bíómyndarfrumraun sína Andið eðlilega. Myndin var frumsýnd á hátíðinni og því eru þetta fyrstu verðlaun myndarinnar.
Posted On 28 Jan 2018

Eggert Ketilsson: Leikmyndin í “Dunkirk”

Eggert Ketilsson hafði yfirumsjón með framkvæmd leikmyndar (Supervising Art Director) í kvikmyndinni Dunkirk eftir Christopher Nolan. Myndin hefur nú verið tilnefnd til Óskarsverðlauna, þar á meðal fyrir leikmynd. Fyrir stuttu skrifaði Eggert grein um vinnuna á bakvið leikmyndina í fagritið Perspective sem gefið er út af Samtökum bandarískra leikmyndahönnuða (Art Directors Guild). Greinin, sem er á ensku, birtist nú einnig hér með leyfi höfundar.
Posted On 25 Jan 2018

Tveir Íslendingar koma að Óskarstilnefningum

Tveir Íslendingar, Eggert Ketilsson og Helga Kristjana Bjarnadóttir eiga hlut að tilnefningum til Óskarsverðlauna í ár. Eggert sem einn leikmyndahönnuða Dunkirk eftir Christopher Nolan og Helga sem einn kvikara teiknimyndarinnar The Breadwinner sem Nora Twomey leikstýrir.
Posted On 24 Jan 2018

LevelK höndlar alþjóðlega sölu á “Víti í Vestmannaeyjum”

Danska sölufyrirtækið LevelK mun höndla alþjóðlega sölu á kvikmyndinni Víti í Vestmannaeyjum eftir Braga Þór Hinriksson. Myndin, sem er frumsýnd hér á landi í mars, verður kynnt kaupendum á Evrópska kvikmyndamarkaðinum sem fram fer á Berlinale hátíðinni í febrúar.
Posted On 24 Jan 2018

Aðsókn | 2.500 á “Svaninn” eftir þriðju helgi

Svanurinn eftir Ásu Helgu Hjörleifsdóttur hefur nú fengið tæplega 2.500 gesti eftir þriðju sýningarhelgi.
Posted On 24 Jan 2018

Metsölumyndin “Óþekkti hermaðurinn” sýnd á Íslandi

Finnska stórmyndin Óþekkti hermaðurinn (Tuntematon sotilas) verður sýnd í Bíó Paradís frá föstudeginum. Myndin hefur slegið hressilega í gegn í heimalandinu og er nú sýnd víða um Norðurlönd. Júlíus Kemp og Ingvar Þórðarson eru meðframleiðendur myndarinnar, en leikstjórinn  Aku Louhimies verður viðstaddur hátíðarsýninguna annað kvöld og mun ræða við gesti að henni lokinni.
Posted On 24 Jan 2018

Ragnhildur Steinunn Jónsdóttir ráðin aðstoðardagskrárstjóri RÚV

Ragnhildur Steinunn Jónsdóttir hefur verið ráðin í nýja stöðu aðstoðardagskrárstjóra  RÚV. Þetta var tilkynnt í morgun.
Posted On 23 Jan 2018

Variety um “Andið eðlilega”: Grípandi mannlegar klemmur

Alissa Simon skrifar í Variety um Andið eðlilega eftir Ísold Uggadóttur sem nú er sýnd á Sundance hátíðinni. Simon segir myndina afar vel leikið raunsæislegt drama sem snerti á málum sem nú séu efst á baugi.
Posted On 23 Jan 2018

[Stikla] “Fullir vasar”, frumsýnd 23. febrúar

Hasargrínmyndin Fullir vasar eftir Anton Sigurðsson verður frumsýnd í Senubíóunum þann 23. febrúar næstkomandi. Með helstu hlutverk fara kunnar samtímastjörnur; Hjálmar Örn Jóhannsson, Nökkvi Fjalar Orrason, Aron Már Ólafsson og Egill Ploder auk Ladda og Hilmis Snæs Guðnasonar. Stikla myndarinnar hefur verið opinberuð.
Posted On 22 Jan 2018

Þórhildur Þorleifsdóttir um “Stellu í orlofi”: Skipti sköpum að hér voru konur að verki

Hugrás birtir viðtal Björns Þórs Vilhjálmssonar við Þórhildi Þorleifsdóttur um Stellu í orlofi, samstarfið við leikarana og hvernig það var að stíga út úr leikhúsinu og inn í kvikmyndaheima.
Posted On 22 Jan 2018

Stuttmyndin “Cut” fær frönsk verðlaun

Stuttmyndin Cut eftir Evu Sigurðardóttur, sem frumsýnd var á síðasta ári, hlaut á dögunum aðalverðlaun stuttmyndahátíðarinnar Excuse My French í París. Þetta eru önnur alþjóðlegu verðlaun myndarinnar.
Posted On 22 Jan 2018

Ísold Uggadóttir í viðtali: Hlustaðu á innsæið

Ísold Uggadóttir er í viðtali við vefsíðuna Women and Hollywood þar sem hún ræðir um mynd sína Andið eðlilega, sem frumsýnd er á Sundance hátíðinni í dag.
Posted On 22 Jan 2018

“Vetrarbræður” og “Atelier” verðlaunaðar á Angers hátíðinni

Vetrarbræður eftir Hlyn Pálmason hlaut aðalverðlaun Angers Premiers Plans hátíðarinnar í Frakklandi sem leggur áherslu á fyrstu verk leikstjóra. Þá hlaut stuttmyndin Atelier eftir Elsu Maríu Jakobsdóttur nemendaverðlaun hátíðarinnar, en myndin er útskriftarverkefni hennar frá Danska kvikmyndaskólanum.
Posted On 22 Jan 2018

Screen um “Andið eðlilega”: Lágstemmd, hjartnæm og örugg

Fyrsta umsögn um Andið eðlilega eftir Ísold Uggadóttur hefur birst hjá Screen. Myndin verður frumsýnd á mánudag á Sundance hátíðinni en gagnrýnendasýning hefur þegar farið fram. Allan Hunter, gagnrýnandi Screen, segir myndina lágstemmda, hjartnæma og framsetta af öryggi.
Posted On 20 Jan 2018

“Adam” eftir Maríu Sólrúnu Sigurðardóttur á Berlinale

Önnur bíómynd Maríu Sólrúnar Sigurðardóttur, Adam, verður frumsýnd á Berl­inale hátíðinni sem fram fer 15.-25. fe­brú­ar. María Sólrún, sem búsett er í Berlín, hefur verið handritaráðgjafi Kvikmyndamiðstöðvar Íslands síðan 2006 en einnig starfað sem handritshöfundur í Þýskalandi.
Posted On 19 Jan 2018