Tveir Íslendingar, Eggert Ketilsson og Helga Kristjana Bjarnadóttir eiga hlut að tilnefningum til Óskarsverðlauna í ár. Eggert sem einn leikmyndahönnuða Dunkirk eftir Christopher Nolan og Helga sem einn kvikara teiknimyndarinnar The Breadwinner sem Nora Twomey leikstýrir.
The Breadwinner
The Breadwinner er tilnefnd sem teiknimynd í fullri lengd (Animated Feature). Helga Kristjana er hluti af kvikunardeild verksins (Animation Department) og er þar titluð sem Technical Checker. Samkvæmt Reykjavik Grapevine nam hún kvikun (Animation) við The Irish School of Animation, sem er hluti af Ballyfermot College of Further Education í Dublin. Leikstjórinn, Nora Twomey, nam einnig við sama skóla.
Hér má sjá viðtal sem Hugrás birti við Helgu 2014.
Dunkirk
Dunkirk fær alls átta tilnefningar til Óskarsverðlauna og þar á meðal er tilnefning fyrir leikmynd (Production Design). Nathan Crowley og Gary Fettis eru nefndir í formlegri tilkynningu Akademíunnar. Crowley er leikmyndahönnuður (Production Designer) verksins en Fettis er svokallaður Supervising Set Decorator, sem mætti kalla umsjónarmaður útfærslu leikmyndar. Hefðin er að þeir sem gegna þessum stöðum fá hina formlegu tilnefningu.
Eggert gegndi stöðu Supervising Art Director í myndinni, sem í þessu tilviki felst í umsjón með framkvæmd leikmyndagerðarinnar. Allir þrír hafa áður unnið með Nolan; Eggert í Batman Begins og Interstellar sem báðar voru myndaðar að hluta á Íslandi.
Sjá má nánari umfjöllun Vísis um Eggert og Dunkirk-tilefninguna hér.
Aðeins um hugtakanotkun
Klapptré finnur stundum áþreifanlega fyrir því að íslensk hugtök skortir varðandi ýmsa þætti kvikmyndagerðar og það á meðal annars við hér. Þannig hefur orðskrípið „listrænn stjórnandi“ stundum verið notað yfir Art Director í innlendum miðlum, en það er auðvitað röng þýðing. Málið verður svo enn flóknara þegar hugtökin Production Designer og Art Director ná stundum yfir sama starfið en stundum ekki. Í myndum af stærri gerðinni er algengt að sitt hvor aðilinn manni þessi störf, en í smærri myndum er gjarnan aðeins einn sem gegnir starfi leikmyndahönnuðar – og er þá ýmist titlaður Production Designer eða Art Director.
Á Wikipediu má reyndar finna nokkuð ágæta skilgreiningu á hugtakinu Art Director, sem er upphaflega heitið yfir leikmyndahönnuð:
In the past, the title of art director was used to denote the head of the art department (hence the Academy Award for Best Art Direction) which also included the set decorator. Now the award includes the production designer and set decorator. On the movie Gone with the Wind, David O. Selznick felt that William Cameron Menzies had such a significant role in the look of the film, that the title art director was not sufficient and so he gave Menzies the title of production designer.[2] The title has become more common, and now production designer is commonly used as the title for the head of the art department, although the title actually implies control over every visual aspect of a film, including costumes.
On films with smaller art departments, such as small independent films and short films, the terms ‘production designer’ and ‘art director’ are often synonymous, and the person taking on the role may be credited as either.Af Wikipedia
