Teiknimyndaserían Ormhildarsaga eftir Þóreyju Mjallhvíti er nú sýnd á KiKA, barnasjónvarpsrás sem er rekin af opinberu sjónvarpsstöðvunum ARD og ZDF í Þýskalandi.
KiKA er í langstærsta barnasjónvarpsrásin í Þýskalandi. Serían mun einnig taka þátt í Animator International Animated Film Festival sem er stærsta teiknimyndahátíð Póllands.
Ormhildarsaga var frumsýnd á RÚV í byrjun janúar á Íslandi. Sýningar standa enn yfir, en alls eru þættirnir 26. Serían hefur náð yfir 65.000 áhorfum í spilara RÚV.
Þáttaröðin er framleidd af Compass Films í samframleiðslu með Animation Studio Iceland, Projects og Letko (Póllandi).
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
