Mánaðarlegt færslusafn June, 2015

Gagnrýnandi sænska sjónvarpsins hrósar „Vonarstræti“

Einn kunnasti gagnrýnandi Svía Fredrik Sahlin, sem um árabil hefur fjallað um kvikmyndir hjá SVT (sænska ríkissjónvarpinu), segir Vonarstræti "perluna í stórmyndamyrkri sumarsins." Sýningar á myndinni hófust í dag í sænskum bíóum.

Morgunblaðið um „Albatross“: Með eldmóðsins vilja að vopni

Hjördís Stefánsdóttir gagnrýnandi Morgunblaðsins skrifar vinsamlega um Albatross Snævars S. Sölvasonar, segir einlæga framsetningu og eftirtektarvert fumleysi frásagnarinnar hrífandi.

Stuttmyndin „Brothers“ verðlaunuð í Palm Springs

Brothers, útskriftarmynd Þórðar Pálssonar frá The National Film and Television School í Bretlandi, hlaut á dögunum sérstaka viðurkenningu dómnefndar á Palm Springs Shortfest í Kaliforníu. Þórður er einnig á leiðinni á Nordic Talents með tvö verkefni.

Gamanþáttaröðin „Þær tvær“ farin í loftið á Stöð 2

Grínþættirnir Þær tvær hófu göngu sína á Stöð 2 í gærkvöldi. Vala Kristín Eiríksdóttir og Júlíana Sara Gunnarsdóttir skrifa handrit og fara með aðalhlutverkin. Jón Grétar Gissurarson leikstýrir.

Ólafur Darri í dómnefnd á Karlovy Vary

Ólafur Darri Ólafsson verður í aðaldómnefnd Karlovy Vary hátíðarinnar sem stendur dagana 3.-11. júlí. Íslensku bíómyndirnar Hrútar og Fúsi taka þátt í hátíðinni ásamt stuttmyndinni Hjónabandssælu.

Greining | „Albatross“ svífur af stað, áfram góður stígandi hjá „Hrútum“

Albatross í sjöunda sæti eftir frumsýningarhelgina og góðan forsýningasprett með alls 2.825 gesti. Áfram góður stígandi hjá Hrútum sem komin er fast að þrettán þúsund manns eftir fjórðu sýningarhelgi. 

30 ára afmæli „Lífmyndanna“ fagnað á Alvarpinu

Undanfarna daga hefur Alvarpið haldið upp á 30 ára afmæli "Líf-mynda" Þráins Bertelssonar (Nýtt líf, Dalalíf, Löggulíf) með sínum eigin „hlaðvarpsþríleik“, þar sem myndirnar voru heiðraðar.

Kristín Jóhannesdóttir útnefnd borgarlistamaður

Kristín Jóhannesdóttir leikstjóri var útnefnd borgarlistamaður Reykjavíkur 2015 við hátíðlega athöfn í Höfða í dag. Í spjalli við Morgunblaðið ræðir hún meðal annars væntanlega mynd sína Alma (áður Þá og þegar elskan) og upplýsir frekar um leikaraval sitt, en myndin fer í tökur í haust.

„Ófærð“ fær 75 milljónir frá Creative Europe

Sjónvarpsþáttaröðin Ófærð fékk 75 milljónir króna frá Creative Europe, kvikmynda- og sjónvarpsáætlun ESB, sem á dögunum úthlutaði alls um 700 milljónum króna. Annað íslenskt verkefni, heimildamyndin Garn í stjórn Unu Lorenzen fékk sjö milljónir króna og því rann alls 12% úthlutunarinnar til íslenskra verkefna. Svo hátt hlutfall hefur aldrei áður farið til neins aðildarlands í einni úthlutun.

„Albatross“ frumsýnd 19. júní

Gamanmyndin Albatross verður frumsýnd þann 19. júní. Myndin var tekin upp í Bolungarvík sumarið 2013. Leikstjóri og handritshöfundur er Snævar S. Sölvason en þetta er hans fyrsta mynd í fullri lengd.

Guðmundur Andri um „Hrúta“: Íslenski kotbóndinn getur hvorki lifað né drepist

Guðmundur Andri Thorsson skrifar um Hrúta Gríms Hákonarsonar í Fréttablaðið og segir hana stóra sögu um hvernig sambandið við landið og skepnurnar rofnaði með þeim afleiðingum að Íslendingar eru að mörgu leyti enn dálítið ráðvillt þjóð með reikula sjálfsmynd.

„París norðursins“ ágætlega tekið í Danmörku

París norðursins, kvikmynd Hafsteins Gunnars Sigurðssonar sem frumsýnd var í fyrra, er nú til sýnis í 11 kvikmyndahúsum í Danmörku. Hér eru brot úr umsögnum nokkurra danskra fjölmiðla um myndina.