33 alþjóðleg verðlaun til íslenskra kvikmynda 2019

Íslenskar kvikmyndir hlutu alls 33 alþjóðleg verðlaun á árinu 2019. Hæst bera verðlaun til handa Ingvari E. Sigurðssyni fyrir Hvítan, hvítan dag í Cannes (Critics' Week) og aðalverðlaun dómnefndar unga fólksins í Locarno fyrir Bergmál Rúnars Rúnarssonar.
Posted On 07 Jan 2020

Heimildamyndin Á SKJÖN sýnd í Bíó Paradís

Heimildamyndin Á skjön eftir Steinþór Birgisson er nú í sýningum í Bíó Paradís. Myndin fylgir sköpunarferli nútímalistar eftir af stuttu færi í holdgervingu Magnúsar Pálssonar, eins helsta brautryðjanda og árhrifavalds íslenskrar nútímalistar frá upphafi.
Posted On 07 Jan 2020

Kjartan Sveinsson verðlaunaður fyrir tónlist sína í BERGMÁLI

Tónskáldið Kjartan Sveinsson vann til tónskáldaverðlaunanna á alþjóðlegu kvikmyndahátíðinni í Les Arcs fyrir tónlist sína í kvikmyndinni Bergmál eftir Rúnar Rúnarsson. Hátíðin fór fram dagana 14. - 21. desember í Frakklandi.
Posted On 07 Jan 2020

HÉRAÐIÐ keppir um stærstu peningaverðlaun í heimi

Héraðið Gríms Hákonarsonar er meðal átta mynda sem keppa um Drekaverðlaunin á kvikmyndahátíðinni í Gautaborg sem fer fram dagana 24. janúar til 3. febrúar nk. Hátíðin er sú stærsta á Norðurlöndunum og verður nú haldin í 43. skipti. Drekaverðlaunin eru stærstu peningaverðlaun sem þekkjast á kvikmyndahátíðum, en þau nema einni milljón sænskra króna (rúmum 13 milljónum íslenskra króna).
Posted On 07 Jan 2020

Hildur Guðnadóttir tilnefnd til BAFTA verðlauna fyrir JOKER

Hildur Guðnadóttir tónskáld hefur vart tekið við Golden Globe verðlaunum fyrir tónlistina í Joker þegar hún er tilnefnd til BAFTA verðlauna fyrir sama verk. Þá er hún einnig tilnefnd til Grammy verðlauna fyrir Chernobyl en þau verða afhent síðar í janúar. Tilnefningar til Óskarsverðlauna verða kynntar á mánudag en þar er hún á stuttlista fyrir Joker.
Posted On 07 Jan 2020