“Hvítur, hvítur dagur” verðlaunuð í Zurich

Hvítur hvítur dagur eftir Hlyn Pálmason hlaut sérstaka viðurkenningu á Zurich Film Festival í Sviss í flokknum besta alþjóðlega myndin. Leikstjórinn Oliver Stone var formaður dómnefndar en hátíðin fór fram dagana 26.september-6.október . Einnig tók Hlynur Pálmason leikstjóri þátt í Masterclass á hátíðinni.
Posted On 15 Oct 2019

RVK Feminist Film Festival haldin í fyrsta sinn í janúar

RVK Feminist Film Festival fer fram í fyrsta sinn í Bíó Paradís og Icelandair Hótel Marina dagana 16. til 19. janúar 2020. Meginmarkmið hátíðarinnar er að jafna kynjahalla þegar kemur að leikstjórn kvikmynda og því verða einungis sýndar kvikmyndir eftir kvenleikstýrur. Aðstandendur vilja einnig skapa vettvang fyrir konur í kvikmyndabransanum þar sem þær geta hist og myndað tengslanet og rætt kvikmyndaverkefni.
Posted On 15 Oct 2019

Northern Wave í tólfta sinn

Alþjóðlega stuttmyndahátíðin Northern Wave verður haldin í tólfta sinn helgina 25.-27. október í Frystiklefanum á Rifi, Snæfellsbæ. Hátíðin býður upp á fjölbreytt úrval alþjóðlegra stuttmynda, hreyfimynda, vídeóverka og íslenskra tónlistarmyndbanda auk annar viðburða, til að mynda fiskiréttasamkeppni, fyrirlestra, vinnustofur og tónleika svo dæmi séu nefnd.
Posted On 15 Oct 2019

“Viðbjóðslegur hugsunarháttur sem gerir kvikmyndina ógeðslega”

Þessi smellubeitulega fyrirsögn er jafnframt yfirskrift fyrirlesturs Gunnars Tómasar Kristóferssonar kvikmyndafræðings um mynd Svölu Hannesdóttur og Óskars Gíslasonar, Ágirnd (1952). Kvikmyndafræðideild Háskóla Íslands stendur fyrir nokkrum fyrirlestrum undir samheitinu Samtímarannsóknir í kvikmyndafræði föstudaginn 18. október kl. 12:30 í Háskólabíói, sal 4.
Posted On 15 Oct 2019
off

Aðsókn | “Goðheimar” opnar í fjórða sæti

Dansk/íslenska myndin Goðheimar fékk rúma 1500 gesti um frumsýningarhelgina. Hvítur, hvítur dagur og Héraðið eru báðar komnar yfir mesta aðsóknarkúfinn og malla nú áfram.
Posted On 15 Oct 2019