Mánaðarlegt færslusafn November, 2017

Republik: Stefnan að koma fram við alla af virðingu og jafnræði

Framleiðslufyrirtækið Republik hefur sent frá sér yfirlýsingu í tengslum við umræður um kynbundið ofbeldi, áreiti og mismunun í kvikmyndagerð og sviðslistum, þar sem sem fram kemur að fyrirtækið taki þeirri áskorun að uppræta kynbundið áreiti í íslenskri kvikmyndagerð.

Frá #metoo konum í sviðslistum og kvikmyndagerð: Yfirlýsingar eru ekki nóg

#metoo hópurinn sem á dögunum sendi frá sér yfirlýsingu undir heitinu Tjaldið fellur, hefur sent frá sér aðra yfirlýsingu þar sem viðbragða er krafist frá fagfélögum í kvikmyndagerð og sviðslistum.

Ágúst Guðmundsson ræðir gerð og viðtökur „Lands og sona“

Ágúst Guðmundsson hélt erindi um gerð og viðtökur Lands og sona, lykilverks íslenska kvikmyndavorsins, á vegum kvikmyndafræði Háskóla Íslands þann 21. september 2017. Erindi Ágústs má horfa á hér. Björn Þór Vilhjálmsson, lektor í kvikmyndafræði, ræddi jafnframt við Ágúst um myndina, ferilinn og íslenska kvikmyndagerð.

Sagafilm kynnir jafnréttis- og jafnlaunastefnu

Sagafilm hefur sent frá sér tilkynningu í kjölfar umræðu um áreitni, ofbeldi og mismunun í kvikmyndagerð og sviðslistum. Þar kemur meðal annars fram að fyrirtækið hafi sett sér jafnréttis- og jafnlaunastefnu sem nái til allra starfsmanna þess sem og verktaka.

100 þúsund sinnum horft á „Stellu Blómkvist“ þættina á fyrstu dögunum

Framúrskarandi móttökur á sjónvarpsþáttunum um Stellu Blómkvist staðfesta að Síminn getur framleitt innlent efni í meira mæli, segir Magnús Ragnarsson framkvæmdastjóri afþreyingarmiðla og sölu Símans í spjalli við Viðskiptablaðið.

Sky Vision selur „Flateyjargátu“ á alheimsvísu

Sky Vision, dreifingararmur Sky, mun taka að sér sölu á þáttaröðinni Flateyjargátu á alþjóðavísu. Sagafilm og Reykjavík Films framleiða þættina fyrir RÚV og hinar norrænu sjónvarpsstöðvarnar. Björn B. Björnsson leikstýrir og Margrét Örnólfsdóttir skrifar handrit, sem byggt er á samnefndri skáldsögu Viktors Arnars Ingólfssonar.

Tjaldið fellur: Konur í sviðslistum og kvikmyndagerð segja frá áreitni, ofbeldi og mismunun

587 konur sem starfa við kvik­mynda­gerð og/eða svið­listir hafa und­ir­ritað áskorun undir nafn­inu „Tjaldið fell­ur“ þar sem þær krefjast þess að fá að vinna vinnu sína án áreitni, ofbeldis eða mis­mun­unar. Þær segja í áskorun sinni að kyn­ferð­is­of­beldi áreitni og kyn­bundin mis­munun eigi sér stað í sviðs­lista- og kvik­mynda­geir­an­um, rétt eins og ann­ars staðar í sam­fé­lag­inu.

Morgunblaðið um „Reyni sterka“: Stórstjarna, skúrkur og harmræn hetja

"Stefna myndarinnar hefði getað verið markvissari," segir Brynja Hjálmsdóttir í Morgunblaðinu um heimildamyndina Reyni sterka eftir Baldvin Z, en bætir því við að fjölskylda Reynis hafi stórmerkilega og spennandi sögu að segja. Hún gefur myndinni þrjár stjörnur.

Hugrás um „Varnarliðið“: Klassískt form og alþekkjandi ávarp

Björn Þór Vilhjálmsson skrifar um heimildamynd Guðbergs Davíðssonar og Konráðs Gylfasonar Varnarliðið - kaldastríðsútvörður á Hugrás og segir hana afar vel úr garði gerða.

Screen um „Sumarbörn“: Lítil og ljúf

Wendy Ide hjá Screen skrifar um Sumarbörn Guðrúnar Ragnarsdóttur frá kvikmyndahátíðinni í Tallinn í Eistlandi og segir hana litla en ljúfa mynd sem sé lyft upp af heillandi frammistöðu ungu leikaranna.

Færeyingar stofna kvikmyndamiðstöð – auglýst eftir forstöðumanni

Færeyingar hafa stofnað kvikmyndamiðstöð - Filmshúsið - sem ætlað er að fjárfesta í innlendri kvikmyndagerð, efla erlenda fjárfestingu í kvikmyndum og markaðssetja Færeyjar sem vettvang kvikmyndagerðar. Auglýst hefur verið eftir forstöðumanni.

„Undir trénu fær verðlaun í Denver

Undir trénu eftir Hafstein Gunnar Sigurðsson hlaut sérstaka viðurkenningu dómnefndar Denver Film Festival sem lauk um síðustu helgi. Þetta eru fjórðu alþjóðlegu verðlaun myndarinnar.

Stuttmyndin „Cut“ verðlaunuð á UnderWire Festival í London

Stuttmyndin Cut eftir Evu Sigurðardóttur hlaut sérstaka viðurkenningu fyrir handrit á UnderWire Festival í London sem lýkur í dag. Þetta eru fyrstu alþjóðlegu verðlaun myndarinnar sem var frumsýnd á RIFF fyrr í haust.

„Bergmál“ og „Hvernig á að vera klassa drusla“ valin á samframleiðslumessu í Les Arcs

Bergmál, nýjasta kvikmynd Rúnars Rúnarssonar sem er nú í þróun, hefur verið valin til þátttöku í Coproduction Village, samframleiðslumarkaði kvikmyndahátíðarinnar í Les Arcs í Frakklandi sem fram fer uppúr miðjum desember. Frumraun Ólafar Birnu Torfadóttur, Hvernig á að vera klassa drusla, hefur einnig verið valin í hliðarprógramm sem helgað er fyrstu myndum leikstjóra.