Kanadískar umsagnir um “Vetrarbræður”

Tvær umsagnir um Vetrarbræður Hlyns Pálmasonar hafa birst í Kanada þar sem myndin var sýnd á Toronto hátíðinni. Hjá BriefTake fær hún þrjár og hálfa stjörnu og er sögð einstakt afrek. We Live Entartainment segir hana ískalda en seiðandi tilraun sem tekst vel til með að þræða gegnum jarðsprengjusvæði karlmennsku og einangrunar.
Posted On 19 Sep 2017

[Stikla, plakat] “Vetrarbræður” opnunarmynd RIFF 2017, almennar sýningar í Bíó Paradís

Vetrarbræður Hlyns Pálmasonar verður opnunarmynd RIFF 2017, en Íslandsfrumsýningin verður í Háskólabíói fimmtudaginn 28. september kl. 18. Daginn eftir hefjast almennar sýningar á myndinni með íslenskum texta. Hlynur, Anton Máni Svansson framleiðandi og Maria von Hausswolff tökumaður verða viðstödd fyrstu sýninguna þar og svara spurningum í kjölfarið. Íslenskt plakat myndarinnar sem og stikla hafa verið opinberuð.
Posted On 19 Sep 2017

Mörg járn í eldinum hjá Republik

Framleiðslufyrirtækið Republik stofnaði dagskrárdeild á síðasta ári og hefur þegar sent frá sér tvær heimildamyndir, Fjallabræður í Abbey Road sem sýnd var á RÚV s.l. vetur og Spólað yfir hafið sem sýnd var í Bíó Paradís og verður á dagskrá RÚV í haust. Mörg önnur verkefni eru í vinnslu, þar á meðal heimildamynd um Björgvin Halldórsson og önnur um Retro Stefson.
Posted On 19 Sep 2017

RIFF 2017 hefst 28. september

Alþjóðleg kvikmyndahátíð í Reykjavík, RIFF, fer fram dag­ana 28. sept­em­ber til 8. októ­ber. Olivier Assayas og Werner Herzog verða heiðursgestir hátíðarinnar og sérstakur fókus verður á finnskar myndir. Hrönn Marinósdóttir stjórnandi RIFF, ræðir við Morgunblaðið um hátíðina.
Posted On 19 Sep 2017

Variety um “Undir trénu”: Kolbikasvört úthverfakómedía

"Smáborgaraleg togstreita er skrúfuð upp í annarlegar öfgar þannig að maður stendur á öndinni," skrifar Guy Lodge frá Toronto hátíðinni í Variety um Undir trénu Hafsteins Gunnars Sigurðssonar og bætir við: "Það sem myndina skortir í hinum fínni blæbrigðum bætir hún upp í einbeittum vilja til að láta allt flakka."
Posted On 19 Sep 2017

[Plakat] “Reynir sterki”, frumsýnd 10. nóvember

Plakat heimildamyndarinnar Reynir sterki eftir Baldvin Z hefur verið opinberað. Myndin verður frumsýnd þann 10. nóvember næstkomandi.
Posted On 19 Sep 2017