0
Fréttir og umfjallanir 2015
Hér er nokkurskonar hlekkjað yfirlit yfir það sem var í fréttum og til umfjöllunar í kvikmynda- og sjónvarpsheiminum íslenska á Klapptré á því herrans ári 2015.
Posted On 31 Dec 2015
Month
//December 2015
Mest lesnu fréttir og greinar 2015 á Klapptré
Alls birtust 613 færslur á Klapptré árið 2015. Fjöldi notenda jókst um 18% frá fyrra ári og heimsóknir voru 15% fleiri. Hér eru 25 mest lesnu fréttirnar og 10 mest lesnu greinarnar. Takk fyrir lesturinn kæru lesendur!
Posted On 31 Dec 2015
“Ártún”, “Hvalfjörður” og “Hrútar” bæta við sig verðlaunum á síðustu vikum ársins
Stuttmyndir Guðmundar Arnar Guðmundssonar, Ártún og Hvalfjörður, fengu nokkur verðlaun til viðbótar undir lok ársins og Hrútar Gríms Hákonarsonar pikkaði upp ein í viðbót.
Posted On 30 Dec 2015
Hér er mat Kvikmyndaráðs á Samkomulaginu 2012-2015
Í þriðja og síðasta hluta umfjöllunar Klapptrés um tillögur Kvikmyndaráðs er birt mat ráðsins á Samkomulaginu 2012-2015.
Posted On 30 Dec 2015
Kvikmyndaráð leggur til að þættir í starfsemi RÚV verði endurskoðaðir sem og sameiningu Kvikmyndasafns við Kvikmyndamiðstöð
Í annari umfjöllun Klapptrés (af þremur) um tillögur Kvikmyndaráðs er sagt frá hugmyndum ráðsins um fyrirkomulag innviða á borð við form stuðnings við greinina, menntunarmál, fræðilegar rannsóknir, safna- og varðveislumál og stuðning við hátíðir og kvikmyndasýningar. Meðal tillagna eru endurskoðun á hlutverki RÚV og aðkomu þess að kvikmyndagerð auk þess sem lagt er til að skoðað verði að sameina Kvikmyndasafn Kvikmyndamiðstöð og færa sýningahald þess í Bíó Paradís.
Posted On 29 Dec 2015
Gengið frá þjónustusamningi til þriggja ára við Kvikmyndaskóla Íslands
Gengið hefur verið frá þjónustusamningi milli menntamálaráðuneytisins og Kvikmyndaskóla Íslands sem gildir til ársloka 2018. Aðstandendur Kvikmyndaskólans segja þetta muni gjörbreyta stöðu skólans.
Posted On 28 Dec 2015
Áætlað að um 128 þúsund hafi séð “Ófærð” í gærkvöldi
Um 128 þúsund manns horfðu á fyrsta þátt Ófærðar í gærkvöldi samkvæmt bráðabirgðatölum frá Gallup. Meðaláhorf reyndist 49 prósent en uppsafnað áhorf 53 prósent.
Posted On 28 Dec 2015
Svona eru tillögur Kvikmyndaráðs
Í tillögum Kvikmyndaráðs til menntamálaráðherra varðandi uppbyggingu kvikmyndagreinarinnar í landinu til næstu ára, sem Klapptré hefur undir höndum og birtast nú í fyrsta sinn opinberlega, er gert er ráð fyrir að framlög til Kvikmyndasjóðs aukist verulega og nái 2 milljörðum króna 2020 auk þess að fylgja verðlagsbreytingum. Þá er gert ráð fyrir ýmsum nýjum áherslum í úthlutunum Kvikmyndasjóðs til viðbótar þeim sem fyrir eru og að nýtt skipulag liggi fyrir við úthlutanir 2017.
Posted On 28 Dec 2015
Fyrsta þætti af “Ófærð” vel tekið
RÚV frumsýndi fyrsta þáttinn af Ófærð í kvöld og fjölmörg ummæli hafa þegar birst á samfélagsmiðlum, sér í lagi Twitter. Almennt virðist fólk ánægt með upphafið.
Posted On 27 Dec 2015
“Everest” og “Hrútar” á listum blaðamanna Screen International yfir myndir ársins
Tvær myndir íslenskra leikstjóra er að finna á listum ritstjóra og blaðamanna fagritsins Screen International yfir myndir ársins; Hrútar eftir Grím Hákonarson og Everest eftir Baltasar Kormák.
Posted On 23 Dec 2015
Grímur Hákonarson lýkur tökum á “Litlu Moskvu”
Grímur Hákonarson hefur lokið tökum á Litlu Moskvu, nýrri íslenskri heimildamynd um Neskaupstað þar sem sósíalistar fóru með stjórn frá árinu 1946 til ársins 1998.
Posted On 23 Dec 2015
Dagskrárstjórar RÚV segja ríkisstjórnina vega að ritstjórnarlegu sjálfstæði
Dagskrárstjórar RÚV hafa sent stjórn RÚV yfirlýsingu þar sem þeir lýsa áhyggjum sínum af „ákvörðun ríkisstjórnar Sigmundar Davíðs Gunnlaugssonar sem ógnar ritstjórnarlegu sjálfstæði Ríkisútvarpsins.“ Undir yfirlýsinguna rita Rakel Þorbergsdóttir fréttastjóri, Þröstur Helgason, dagskrárstjóri Rásar 1, Frank Hall, dagskrárstjóri Rásar 2, Skarphéðinn Guðmundsson, dagskrárstjóri sjónvarps og Ingólfur Bjarni Sigfússon, vef- og nýmiðlastjóri.
Posted On 23 Dec 2015
Einar Þór Gunnlaugsson gagnrýnir skrif Ágústs H. Einarssonar um hagræn áhrif kvikmynda
Einar Þór Gunnlaugsson kvikmyndaleikstjóri, sem einnig hefur lokið meistaranámi í menningarstjórnun, leggur á Fésbókarsíðu sinni útaf viðtali við Ágúst H. Einarsson prófessor í þættinum Samfélagið á Rás 1 RÚV þar sem Ágúst ræðir meðal annars um Björk Guðmundsdóttur og segir gríðarleg verðmæti fólgin í menningu, margir listamenn séu vel metnir í útlöndum og það beri að nýta. Viðtalið við Ágúst má hlusta á hér. Einar er gagnrýninn á verk Ágústar sem meðal annars hefur skrifað bók um Hagræn áhrif kvikmyndalistar og lesa má hér.
Posted On 21 Dec 2015
Viðhorf | Forsætisráðherra úti að aka með RÚV
Sigmundur Davíð Gunnlaugsson forsætisráðherra sagði í hádegisfréttum RÚV í gær, sunnudag, að RÚV gæti aukið tekjur sínar þrátt fyrir lækkun útvarpsgjalds og nefndi þar aukna sölu auglýsinga í tengslum við þá leiknu þáttaraðir sem gerðar yrðu vegna sérframlagsins svokallaða sem og tekjur af sölu slíkra þáttaraða til Norðurlanda, Þýskalands og fleiri landa. Hvorutveggja lýsir miklum skilningsskorti og óhjákvæmilegt að spyrja hvort enginn sem þekki til hafi aðgang að eyra ráðherrans.
Posted On 21 Dec 2015
“Allar leiðir lokaðar”, heimildamynd um gerð “Ófærðar”
RÚV frumsýnir þáttaröðina Ófærð þann 27. desember næstkomandi. Í heimildamynd um gerð þáttaraðarinnar er skyggnst á bakvið tjöldin við gerð hennar. Meðal þeirra sem er rætt er við eru Sigurjón Kjartansson, Baldvin Z, Baltasar Kormákur, Ólafur Darri Ólafsson, Ilmur Kristjánsdóttir og fleiri.
Posted On 21 Dec 2015
Krummi með hvíta hanska, kafli úr “Egils sögum”
Egils sögur - á meðan ég man kallast minningabók Egils Ólafssonar tónlistarmanns og leikara, sem nýkomin er út. Páll Valsson skrásetur, en JPV gefur út. Klapptré fékk góðfúslegt leyfi höfunda og forleggjara til að birta stuttan kafla úr bókinni þar sem segir af Hrafni Gunnlaugssyni, sænska leikaranum Sune Mangs og gerð kvikmyndarinnar Í skugga hrafnsins þar sem Egill fór með stórt hlutverk.
Posted On 19 Dec 2015
“Þrestir” fá fjarka í Les Arcs
Þrestir Rúnars Rúnarssonar unnu til fernra verðlauna á kvikmyndahátíðinni í Les Arcs í frönsku ölpunum. Myndin var valin besta mynd hátíðarinnar, Atli Óskar Fjalarsson var valinn besti leikarinn, þá var myndataka Sophiu Olsson verðlaunuð og myndin fékk auk þess pressuverðlaunin.
Posted On 18 Dec 2015
RÚV skorið niður við trog, ráðherrar skammta úr hnefa
Útvarpsgjald mun lækka úr 17.800 krónum í 16.400 krónur á næsta ári samkvæmt nýjustu fréttum. Þetta þýðir um 400 milljóna tekjumissi að sögn RÚV og nemur því heildarhagræðing næsta árs um 500 milljónum. Á móti ákveður ríkisstjórnin að RÚV fái "sérstakt framlag uppá 175 milljónir króna til eflingar innlendrar dagskrárgerðar" eins og það er orðað.
Posted On 18 Dec 2015
Nýja Stjörnustríðsmyndin slær öll met á Íslandi
Star Wars: The Force Awakens var frumsýnd víða um heim í gær og hefur fengið vægast sagt glimrandi aðsókn. Aðsóknarmet hafa fallið víða en hvergi þó eins og á Íslandi þar sem 10,319 manns sáu myndina í gær, fimmtudag. Það er um 50% fleiri en sáu The Hobbit: The Battle of the Five Armies á fyrsta sýningardegi. Líklegt verður að teljast að myndin slái opnunarhelgarmet sömu myndar, sem er 28,919 gestir.
Posted On 18 Dec 2015
Eddan: Frestur til innsendinga til 7. janúar
Byrjað er að taka á móti kvikmynda- og sjónvarpsverkum vegna Eddunnar 2016 sem haldin verður um mánaðamótin febrúar/mars. Frestur til að senda inn verk rennur út á miðnætti fimmtudaginn 7. janúar, 2016. Gjaldgeng eru verk sem frumsýnd eru opinberlega á tímabilinu 1. janúar 2015 til 31. desember 2015.
Posted On 18 Dec 2015
“Hrútar” ekki á stuttlista vegna Óskars
Bandaríska kvikmyndaakademían hefur opinberað níu mynda stuttlista yfir þær myndir sem gætu orðið tilnefndar til Óskarsverðlauna sem besta erlenda myndin. Það eru óneitanlega vonbrigði að Hrúta sé ekki að finna á listanum, en fjölmargir fagmiðlar, þar á meðal þessi hér, töldu hana eiga góða möguleika á tilnefningu.
Posted On 18 Dec 2015
Framleiðendur fagna miðastyrkjum en gagnrýna biðina
Kvikmyndaframleiðendur fagna frumvarpi um að veita miðastyrki vegna sýninga íslenskra kvikmynda síðustu ár. Þeir gagnrýna þó hvernig staðið er að úthlutuninni og segja mikinn fjármagnskostnað hafa lagst á framleiðendur vegna þess hversu seint staðið er við samkomulag um styrkina.
Posted On 18 Dec 2015
Fyrirhuguð lækkun útvarpsgjalds verður þungt högg fyrir innlendan kvikmyndaiðnað
Fyrirhuguð lækkun útvarpsgjalds um 1.400 krónur þýðir um 400 milljóna króna tekjumissi fyrir RÚV. Ljóst er að það mun fyrst og fremst bitna á dagskrárframboði og vegur sjónvarpshlutinn þar langþyngst. Mörg framleiðslufyrirtæki og einyrkjar í kvikmyndagerð byggja afkomu sína að verulegu leyti á viðskiptum við RÚV. Viðbúið er að þau muni dragast mikið saman.
Posted On 17 Dec 2015
12
Mest lesið síðasta sólarhring
KLAPPTRÉ, vefmiðill um íslenskar kvikmyndir og sjónvarp | Stofnaður 2013 | Um | Hafa samband