Daglegt færslusafn: Jan 7, 2015

Íslenskar kvikmyndir áttu einstaklega gott ár í kvikmyndahúsunum 2014 og hefur samanlögð aðsókn ekki verið hærri síðan árið 2000, en þá komu flestir að sjá innlendar myndir frá því mælingar hófust 1996. Þá er markaðshlutdeild innlendra mynda hærri en nokkru sinni fyrr. Vonarstræti trónir á toppnum og er jafnframt stærsta kvikmynd ársins í bíónum, hvort sem litið er til tekna eða aðsóknar.

Aðsóknartekjur í kvikmyndahúsum árið 2014 voru nokkurn veginn á pari miðað við árið 2013 en aðsókn dróst saman um 2,3% miðað við 4% árið áður. Íslenskar kvikmyndir gerðu það gott á árinu og var tekjuhæsta mynd ársins íslensk. Markaðshlutdeild íslenskra mynda var 13,3%, sem er hæsta hlutfall frá því mælingar hófust.

Borgríki 2 – Blóð hraustra manna, nýjasta kvikmynd Ólafs de Fleur Jóhannessonar, hefur verið valin til þátttöku á alþjóðlegu kvikmyndahátíðinni í Rotterdam í Hollandi.

Ný íslensk kvikmynd í leikstjórn Ísoldar Uggadóttur, Andið eðlilega, hefur hlotið 80 milljón króna vilyrði til framleiðslu frá Kvikmyndamiðstöð Íslands.