Mánaðarlegt færslusafn March, 2018

Morgunblaðið um „Víti í Vestmannaeyjum“: Hádramatískt og fjörugt ævintýri

"Hádramatískt og fjörugt ævintýri, sem inniheldur góða blöndu af tárum, brosum og takkaskóm," segir Brynja Hjálmsdóttir meðal annars í Morgunblaðinu um Víti í Vestmannaeyjum Braga Þórs Hinrikssonar.

Aðsókn | „Víti í Vestmannaeyjum“ með yfir tíu þúsund gesti á opnunarhelginni

Víti í Vestmannaeyjum eftir Braga Þór Hinriksson fékk yfir tíu þúsund gesti á opnunarhelginni og er lang aðsóknarmesta myndin þessa helgina. Þetta er áttunda stærsta opnunaraðsókn á íslenska kvikmynd síðan mælingar hófust og næststærsta opnun síðastliðinna fimm ára.

Greg Dyke ráðinn stjórnarformaður London Film School

London Film School (LFS), sem stýrt er af Gísla Snæ Erlingssyni, greinir frá því að Greg Dyke, fyrrum útvarpsstjóri BBC og fyrrum stjórnarformaður Bresku kvikmyndastofnunarinnar (BFI), hafi verið ráðinn stjórnarformaður skólans. Hann tekur við í apríl af leikstjóranum Mike Leigh. Dyke er einn áhrifamesti maður í breskum myndmiðlaiðnaði um áratugaskeið.

Kvikmyndahöfundar eru illa borgaðir, starfsöryggi lítið en flestir geta ekki hugsað sér að gera annað

Að vera leikstjóri eða handritshöfundur í Evrópu (Ísland þar með talið) er að meðaltali frekar illa borgað og starfsöryggi lélegt. Tekjur ná hámarki um og uppúr fimmtugu en fara síðan hratt lækkandi. Tekjur kvenna eru áberandi minni. Samt geta flestir ekki hugsað sér að gera eitthvað annað. Þetta kemur fram í könnun sem Samtök evrópskra kvikmyndaleikstjóra (FERA) og Samtök handritshöfunda í Evrópu (FSE) létu gera. Bráðabirgðaniðurstöður hafa verið kynntar og þar kemur ýmislegt fróðlegt fram.

„Benji the Dove“ og „Adam“ frumsýndar á Barnakvikmyndahátíð í Bíó Paradís

Alþjóðleg barnakvikmyndahátíð í Reykjavík verður haldin í Bíó Paradís í fimmta sinn 5.-15. apríl næstkomandi. Kvikmyndin Benji the Dove, sem er bandarísk endurgerð Benjamín dúfu (1995) verður frumsýnd á hátíðinni, en Erlingur Jack Guðmundsson er einn framleiðenda hennar. Einnig verður kvikmyndin Adam eftir Maríu Sólrúnu Sigurðardóttur sýnd á hátíðinni en hún var nýlega frumsýnd á Berlínarhátíðinni.

Baltasar Kormákur um „Adrift“: Mjög erfitt en ánægjulegt

Fyrsta stiklan úr nýjustu Hollywood-mynd Baltasars Kormáks, Adrift, var frumsýnd í síðustu viku og af því tilefni ræddi RÚV við hann. Baltasar segir að vinnan við myndina hafi verið mjög krefjandi.

„Vetrarbræður“ fær Bodil-verðlaunin

Vetrarbræður Hlyns Pálmasonar heldur áfram að gera það gott en í fyrrakvöld hlaut hún dönsku Bodil-verðlaunin sem besta kvikmynd síðasta árs. Bodil-verðlaunin eru ein elstu kvikmyndaverðlaun Evrópu en þau voru fyrst veitt árið 1948. Samtök kvikmyndagagnrýnenda í Danmörku veita verðlaunin.

Bragi Þór Hinriksson um „Víti í Vestmannaeyjum“: Miklar kröfur settar á krakkana

Bragi Þór Hinriksson ræðir við Morgunblaðið um gerð kvikmyndarinnar Víti í Vestmannaeyjum, sem verður frumsýnd næstkomandi föstudag. Hann segir krakka kröfuharða kvikmyndagesti.

Fréttablaðið um „Andið eðlilega“: Nístandi fagurt tímamótaverk

"Ísold Uggadóttir segir mikla og áhrifaríka sögu á töfrandi hátt og lætur engan ósnortinn," segir Þórarinn Þórarinsson í Fréttablaðinu um Andið eðlilega eftir Ísoldu Uggadóttur. Myndin fær fjórar stjörnur.

Hugrás um „Andið eðlilega“: Á skjön við kerfið

Jóna Kristjana Hólmgeirsdóttir skrifar á Hugrás um kvikmynd Ísoldar Uggadóttur, Andið eðlilega og segir hana ánægjulega viðbót við íslenska kvikmyndaflóru af tveimur ástæðum: annars vegar sem vandað listaverk, hins vegar taki hún á brýnum samfélagsmálum.

Lestin á Rás 1 um „Andið eðlilega“: Vel smíðað drama sem dregur fram hið mannlega

"Á brýnt erindi hér heima fyrir jafnt sem erlendis, en efni hennar dregur fram hið mannlega sem passar ekki alltaf inn í svart-hvítan ramma laganna," segir Gunnar Theodór Eggertsson í Lestinni á Rás 1 um Andið eðlilega eftir Ísoldu Uggadóttur.

RÚV sýnir „Mannasiði“ um páskana

Mannasiðir kallast ný íslensk sjónvarpsmynd í tveimur hlutum sem frumsýnd verður á RÚV um páskana. Myndin er samstarfsverkefni RÚV og framleiðslufyrirtækisins Glassriver, en María Reyndal leikstýrir og skrifar handrit. Sagan snýst um meint kynferðisbrot og áhrif þess á geranda, þolanda, fjölskyldur þeirra og vini.

Vísir um „Andið eðlilega“: Kraftur og einlægni í náttúrulegum umbúðum

"Lágstemmd og hjartnæm lítil saga sem forðast helstu klisjur og óþarft melódrama," segir Tómas Valgeirsson á Vísi um Andið eðlilega Ísoldar Uggadóttur og gefur henni fjórar stjörnur.

[Stikla] „Adrift“ eftir Baltasar Kormák

Stikla kvikmyndarinnar Adrift í leikstjórn Baltasars Kormáks var opinberuð í dag og má skoða hér. Shailene Woodley og Sam Claflin fara með aðalhlutverk en myndin, sem byggð er á sannri sögu, er væntanleg með haustinu.

Morgunblaðið um „Andið eðlilega“: Landamærin í lífinu

Brynja Hjálmsdóttir skrifar í Morgunblaðið um Andið eðlilega eftir Ísoldu Uggadóttur og segir hana ákaflega haganlega smíðaða. Hún gefur myndinni fjórar og hálfa stjörnu.