Mánaðarlegt færslusafn March, 2019

Frestur til að senda inn myndir á Skjaldborg til og með 26. apríl

Skjaldborg 2019 fer fram um hvítasunnuhelgina að venju, en að þessu sinni er hún dagana 7.-10. júní. Opnað hefur verið fyrir umsóknir, bæði tilbúnar myndir sem og verk í vinnslu. Umsóknarfrestur er til og með 26.apríl.

Safnað fyrir endurvinnslu „Sóleyjar“ eftir Rósku

Á Karolina Fund er nú verið að safna fyrir endurvinnslu kvikmyndarinnar Sóley sem listakonan Róska gerði ásamt manni sínum Manrico Pavolettoni 1982. Negatívan er týnd en til er sýningareintak í slæmu ástandi á Kvikmyndasafni Íslands. Stefnt er að því að notast við það eintak við forvörslu og hreinsun á myndinni.

Lestin um „Taka 5“: Kæruleysislega „artí“ og írónísk stemmning

"Taka 5 fjallar um ferlið við það að taka upp kvikmynd og hið sadíska vald leikstjórans, en þegar öll kurl koma til grafar hafa leikararnir sjálfir valið sér hlutskipti sitt," segir kvikmyndarýnir Lestarinnar á Rás 1.

Greining | Velta bransans 13,6 milljarðar króna 2018

Velta í framleiðsluhluta kvikmyndagreinarinnar 2018 var tæpir 13,6 milljarðar sem er um 2,1 milljarði króna hærra en 2016 (11,5 milljarðar). Aukningin nemur um 20% milli ára.

„Dýrið“ fær 52 milljóna króna styrk frá Eurimages

Dýrið (Lamb) í leikstjórn Valdimars Jóhannssonar hlaut á dögunum 52 milljóna króna (€380,000) styrk frá Eurimages. Verkefnið er samframleiðsla með Svíum og Pólverjum. Hrönn Kristinsdóttir og Sara Nassim eru aðalframleiðendur.

Kvikmyndasafnið auglýsir eftir starfsmanni í skráningu og efnisgreiningu

Kvikmyndasafn Íslands auglýsir eftir starfsmanni í skráningu og efnisgreiningu á safnkosti Kvikmyndasafns. Leitað er að einstaklingi sem hefur áhuga og þekkingu á landi og þjóð sem og  sögu kvikmyndagerðar, góð tök á íslenskri tungu og gott tölvulæsi. Æskilegt er að viðkomandi hafi reynslu af meðhöndlun filmu en það ekki skilyrði.

Breytingar gerðar á starfshópi um mótun kvikmyndastefnu

Breytingar hafa verið gerðar á starfshópi um mótun kvikmyndastefnu eftir að fram kom gagnrýni á skarðan hlut kvenna í hópnum. Hópurinn hefur verið stækkaður úr 9 manns í 12 og er nú skipaður 6 konum og 6 körlum.

WIFT mótmælir kynjahalla í starfshóp um stefnumótun í kvikmyndamálum

WIFT á Íslandi, félag kvenna í kvikmyndum og sjónvarpi, hefur sent frá sér ályktun þar sem því er mótmælt að aðeins 2 konur séu í nýskipuðum starfshóp um kvikmyndamál af 9 alls.

Dagur Kári formaður nýskipaðs starfshóps um stefnumótun kvikmyndamála

Mennta- og menningarmálaráðherra hefur skipað verkefnishóp til að vinna að gerð stefnu í kvikmyndamálum sem gilda á frá 1. janúar 2020 til 31. desember 2030.  Verður það í fyrsta sinn sem stjórnvöld móta heildstæða stefnu og aðgerðaáætlun á grunni hennar, sem nær yfir hlut kvikmynda í menningu þjóðarinnar, menntun í kvikmyndagerð á öllum skólastigum, miðlun íslensks kvikmyndaefnis og stuðning við framleiðslu kvikmynda.

Þóra Ingólfsdóttir nýr forstöðumaður Kvikmyndasafns

Þóra Sigríður Ingólfsdóttir hefur verið skipuð forstöðumaður Kvikmyndasafns Íslands frá 1. febrúar 2019. Þóra starfaði áður sem forstöðumaður Hljóðbókasafns Íslands, frá árinu 2007.

Minning: Agnar Einarsson 1931-2019

Agnar Einarsson fyrrum hljóðmeistari hjá Sjónvarpinu, lést þann 13. febrúar síðastliðinn. Agnar lærði útvarps- og símvirkjun og síðan til sýningarmanns sem hann starfaði við frá 1949-1972 í Tjarnarbíói, Stjörnubíói og Tónabíói. 1972 hóf hann störf hjá Sjónvarpinu, lengst af sem hljóðmeistari þar til hann lét af störfum 1998. Eftir það starfaði hann að hluta til í Kvikmyndasafni Íslands og Bæjarbíói í Hafnarfirði. Sigríður Pétursdóttir kvikmyndarýnir og tengdadóttir Agnars, skrifar um hann nokkur minningarorð.

„XY“ vinnur Sprettfiskinn á Stockfish kvikmyndahátíðinni

Sigurvegari Sprettfisksins var tilkynntur á lokaathöfn Stockfish hátíðarinnar í gærkvöldi. Stuttmyndin XY eftir Önnu Karín Lárusdóttur bar sigur úr býtum og hlaut í verðlaun 1 milljón kr. tækjaúttekt hjá Kukl.

Þáttaraðirnar „Pabbahelgar“ og „Afturelding“ væntanlegar frá Zik Zak

Tvær þáttaraðir sem Zik Zak kvikmyndir framleiðir eru væntanlegar innan skamms, sú fyrri Pabbahelgar í haust og hin síðari Afturelding væntanlega á næsta ári. Kynningarstikla hinnar síðarnefndu er nýkomin út.

Morgunblaðið um „Taka 5“: Fínasta indí-bíómynd

"Myndin er virkilega fyndin og skemmtileg. Persónurnar eru mjög ólíkar og það skapast spennandi og sprenghlægileg átök á milli þeirra," segir Brynja Hjálmsdóttir í umsögn sinni í Morgunblaðinu um Töku 5 Magnúsar Jónssonar.