Daglegt færslusafn: Dec 17, 2019

Tónlist Hildar Guðnadóttur við „Joker“ á stuttlista til Óskarsverðlauna, Fríða Aradóttir og Heba Þórisdóttir einnig á stuttlista fyrir hár og förðun

Stuttlistar tilnefninga til Óskarsverðlauna hafa verið opinberaðir og á stuttlista fyrir bestu tónlist er meðal annars að finna skor Hildar Guðnadóttur fyrir kvikmyndina Joker. Þá er Fríðu Aradóttur og Hebu Þórisdóttur einnig að finna á stuttlista fyrir hár og förðun, sú fyrrnefnda fyrir Little Women og sú síðarnefnda fyrir Once Upon a Time... in Hollywood, en báðar hafa starfað í bandarískum kvikmyndaiðnaði um árabil.