Daglegt færslusafn: Apr 30, 2014

„Viljum ekki skuldsetja félagið“

Sigmar Vilhjálmsson forsvarsmaður Konunglega kvikmyndafélagsins, rekstaraðila sjónvarpsstöðvanna Miklagarðs og Bravó, segist bjartsýnn á að hlutafjáraukningu félagsins ljúki sem fyrst. Félagið sagði öllum starfsmönnum upp í dag eftir um tveggja mánaða rekstur.

RIFF í Kópavogi að hluta

Samkomulag um samstarf Listhúss Kópavogsbæjar, lista- og menningarráðs og RIFF var undirritað í Kópavogi í dag. Framlag lista- og menningarsjóðs til hátíðarinnar nemur 3,5 milljónum króna.

„Halo“ mynd tekin upp á Íslandi

Stór hluti nýrrar myndar frá framleiðslufyrirtæki Ridleys Scotts eftir tölvuleiknum Halo fyrir tölvurisann Microsoft verður tekin upp hér á landi og á Írlandi. Framleiðslukostnaðurinn verður meira en tíu milljónir dollara en þegar hafa verið gerðar nokkrar myndir eftir tölvuleiknum.