Mánaðarlegt færslusafn February, 2016

Atli Óskar á samning hjá Paradigm

Leik­ar­inn og leik­list­ar­nem­inn Atli Óskar Fjalar­son er ný­bú­inn að skrifa und­ir samn­ing við umboðsskrif­stof­una Para­digm. Atli Óskar fór með aðalhlutverkið í Þröstum Rúnars Rúnarssonar.

Leiðrétting vegna samanburðar á áhorfi „Ófærðar“ og „Hraunsins“

Í frétt Klapptrés sem birtist þann 28. desember s.l. var fjallað um áhorf á fyrsta þátt Ófærðar. Í fréttinni var þess getið að fyrsti þáttur Ófærðar hefði fengið svipað áhorf og þættirnir Hraunið nutu á sömu sjónvarpsstöð. Þetta er rangt, komið hefur í ljós að sambærilegir hlutir voru ekki bornir saman. Lesendur og hlutaðeigandi eru beðnir afsökunar á mistökunum og leiðréttast þau hér með.

„Ófærð“ vinsælasta leikna þáttaröðin síðan rafrænar mælingar hófust

Þáttaröðin Ófærð, sem í gær hlaut þrenn Edduverðlaun, meðal annars sem leikið sjónvarpsefni ársins, er með mesta áhorf leikins sjónvarpsefnis síðan rafrænar mælingar hófust. Klapptré birtir sundurliðaðar áhorfstölur þáttanna.

Kvikmyndagerð augljós auðlind

Magnús Guðmundsson hjá Fréttablaðinu leggur útaf Edduverðlaunum í leiðara og segir 2015 hafa verið ótrúlegt fyrir íslenska kvikmyndagerð. "Þetta er ekkert kvikmyndavor. Þetta er bullandi bíósumar árið um kring þar sem íslenskar kvikmyndir rökuðu til sín yfir hundrað verðlaunum á kvikmyndahátíðum víða um veröldina. Það slagar hátt í verðlaun þriðja hvern dag ársins!"

Hækkar endurgreiðslan í 25%?

Ragnheiður Elín Árnadóttir atvinnuvega- og nýsköpunarráðherra sagði á Eddunni í gærkvöldi að verið væri að skoða hækkun á endurgreiðslunni frá næsta ári og nefndi þar töluna 25% við mikinn fögnuð viðstaddra.

„Hrútar“ með 11 Eddur, „Ófærð“ með þrjár

Hrútar Gríms Hákonarsonar hlaut alls 11 Edduverðlaun á Hótel Hilton Reykjavík Nordica í gærkvöldi, þar á meðal sem kvikmynd ársins, fyrir leikstjórn, handrit, aðalhlutverk karla, aukahlutverk karla, kvikmyndatöku og klippingu. Sjónvarpsþáttaröðin Ófærð hlaut þrjár Eddur; fyrir leikið sjónvarpsefni ársins, tónlist og brellur.

Sjónvarp Símans kaupir sýningarrétt á væntanlegri þáttaröð Baldvins Z

Sjónvarp Símans hefur tryggt sér sýningarréttinn á sjónvarpsþáttaröð sem Baldvin Z og samstarfsfólk hans er með í undirbúningi. Þættirnir verða 13 og er fyr­ir­hugað að serí­an verði til­bú­in eft­ir tvö til þrjú ár.

Ísland að verða of dýrt?

Hækk­un verðlags á Íslandi er orðin áhyggju­efni fyr­ir ís­lenska kvik­mynda­gerð. Með sama áfram­haldi gæti þró­un­in haft áhrif á út­færslu alþjóðlegra kvik­mynda­verk­efna á Íslandi og jafn­vel dregið úr um­fangi þeirra. Þetta seg­ir Leif­ur B. Dag­finns­son, stjórn­ar­formaður Tru­en­orth, í Morg­un­blaðinu í dag.

Lázlo Rajk og „Son of Saul“: Kvikmyndir móta minnið

Ungverski leikmyndahönnuðurinn Lázlo Rajk er einn heiðursgesta Stockfish hátíðarinnar í ár, en hann gerði meðal annars leikmyndina í kvikmyndinni Son of Saul sem tilnefnd er til Óskarsverðlauna. Rajk vinnur þessa daga með Kristínu Jóhannesdóttur að kvikmyndinni Alma. Fréttablaðið ræddi við hann.

„Fúsi“ fær þrenn verðlaun í Belgíu

Fúsi Dags Kára hlaut alls þrenn verðlaun á Festival International du Film d’amour í Mons í Belgíu sem lauk á föstudag. Myndin fékk aðalverðlaun hátíðarinnar, Dagur Kári var verðlaunaður fyrir besta handritið og Gunnar Jónsson hlaut verðlaun fyrir besta leik í aðalhlutverki. Myndin hefur nú hlotið alls 15 alþjóðleg verðlaun.

Harmageddon um „Fyrir framan annað fólk“: Fyndin, falleg og skemmtileg

Stefán Sigurjónsson gagnrýnandi útvarpsþáttarins Harmageddon fjallar um Fyrir framan annað fólk Óskars Jónassonar og er ánægður með myndina, segir hana fyndna, fallega og skemmtilega Reykjavíkursögu.

Hittið Eistana í kvöld kl. 10

Stockfish Film Festival býður velkomna hóp kvikmyndargerðarfólks frá Eistnesku kvikmyndamiðstöðinni, Eistneska framleiðendur og Tiinu Lokk-Tramberg, stjórnanda kvikmyndahátíðarinnar Tallinn Black Nights. Í tilefni þessarar heimsóknar verður uppákoma í kvöld kl. 22 á Hlemmur Square.

Tilnefningar til Menningarverðlauna DV 2016 kynntar

Tilnefningar til Menningarverðlauna DV voru kynntar í dag. Bíómyndirnar Hrútar og Fúsi, heimildamyndirnar Hvað er svona merkilegt við það? og Öldin hennar og kvikmyndahúsið Bíó Paradís fá tilnefningar í flokki kvikmyndalistar.

„Fyrir framan annað fólk“ frumsýnd í dag

Rómantíska gamanmyndin Fyrir framan annað fólk er frumsýnd í dag í kvikmyndahúsum. Óskar Jónasson leikstýrir eftir eigin handriti og Kristjáns Þórðar Hrafnssonar, en verkið er byggt á leikriti þess síðarnefnda. Kristinn Þórðarson framleiðir fyrir True North.

Gunnar Smári: Ekki viss um langlífi Georgs Bjarnfreðarsonar

Á Facebook síðu sinni leggur Gunnar Smári Egilsson ritstjóri Fréttatímans útaf grein Jóns Gnarr um sjónvarpsþáttagerð og framtíðarsess Georgs Bjarnfreðarsonar í þjóðardjúpinu.  Hann segist vilja "snúa upp á spádóm Jóns um langlífi Georgs og spá að það verði hugmyndirnar og framgangan sem hann gerir grín að sem muni lifa lengst. Og hugsanlega lengur en bæði Jón og Georg."

Jón Gnarr: Brýnt að auka fjárfestingu í gerð leikins sjónvarpsefnis

Í pistli sem Jón Gnarr, framkvæmdastjóri dagskrársviðs 365 miðla, birtir í Fréttablaðinu í dag segir hann of litlu fé varið til leikins sjónvarpsefnis miðað við bíómyndir og að jafna þurfi þann hlut eða stofna sérstakan sjónvarpssjóð.