Mánaðarlegt færslusafn October, 2019

Lestin um „In Touch“: Tvístraðar fjölskyldur sameinast á Skype

Pólsk/íslenska heimildamyndin In Touch eftir Paweł Ziemilski er nú sýnd i Bíó Paradís, en myndin hlaut dómnefndarverðlaunin á Skjaldborg í vor. Marta Sigríður Pétursdóttir fjallaði um myndina fyrir Lestina á Rás 1.

Fjallað um íslenska kvikmyndasögu í nýjasta hefti Ritsins

Íslenskar kvikmyndir er þema nýjasta heftis Ritsins, tímarits Hugvísindastofnunar Háskóla Íslands. Birtast um efnið fjórar ritrýndar greinar, þrjár sögulegar og ein þar sem fjallað er um ákveðna bíómynd, Húsið eftir Egil Eðvarðsson.

[Stikla] „Þorsti“, frumsýnd 25. október

Gamanmyndin Þorsti eftir Steinþór Hróar Steinþórsson (Steinda jr.) og Gauk Úlfarsson, var frumsýnd í Sambíóunum föstudaginn 25. október s.l. Myndin tengist þáttaröðinni Góðir landsmenn sem sömu aðilar stóðu að og var sýnd á Stöð 2.

„Móðurást“ vinnur Northern Wave

Northern Wave kvikmyndahátíðin fór fram um helgina í Frystiklefanum á Rifi. Veitt voru fern verðlaun á hátíðinni. Verðlaun fyrir bestu íslensku stuttmyndina fóru til Ara Allanssonar fyrir stuttmyndina Móðurást.

Sagafilm og Sky Studios hefja samvinnu ásamt NBC Universal

Sky Studios og Sagafilm hafa gert með sér þróunar- og dreifingarsamning. Samningurinn felur í sér að Sky Studios komi að verkefnum Sagafilm á þróunarstigi og mun NBCUniversal Global Distribution í kjölfarið dreifa efninu á heimsvísu.

„The Irishman“ verður sýnd í Bíó Paradís

The Irishman eftir Martin Scorsese verður frumsýnd í Bíó Paradís þann 22. nóvember næstkomandi, en viku síðar kemur hún á Netflix sem stendur á bakvið gerð hennar. Það er óneitanlega tímanna tákn að nýjasta mynd eins fremsta leikstjóra Bandaríkjanna skuli sýnd í örfáum kvikmyndahúsum (og gjarnan listabíóum) um veröld víða í skamman tíma áður en hún kemur á efnisveitu.

Ingvar E. verðlaunaður fyrir leik sinn í „Hvítum, hvítum degi“

Ingvar E. Sigurðsson var valin besti leikarinn á elstu kvikmyndahátíð Kanada, FNC kvik­mynda­hátíðinni í Montreal á dögunum, fyrir Hvítan, hvítan dag. Fyrir hafði hann unnið Ris­ing Star verðlaun­in í Cann­es og einnig verðlaun­ í Transilvaniu, Rúm­en­íu.

Morgunblaðið um „Agnesi Joy“: Horft yfir flóann

"Afar skemmtileg kvikmynd sem fjallar á djúpviturlegan, fallegan og sprenghlægilegan hátt um uppvöxt, eftirsjá og fjölskyldusambönd," segir Brynja Hjálmsdóttir meðal annars í umsögn sinni um Agnesi Joy Silju Hauksdóttur í Morgunblaðinu. Brynja gefur myndinni fjóra og hálfa stjörnu.

Engar stjörnur um „Hvítan, hvítan dag“: Varla ferskt né þarft viðfangsefni

Arína Vala Þórðardóttir hjá Engum stjörnum, gagnrýnendavef Kvikmyndafræði Háskóla Íslands, skrifar um Hvítan, hvítan dag Hlyns Pálmasonar og segir frásagnaraðferðina listilega en viðfangsefnið, karlmannskrísu, varla ferskt, áhugavert eða þarft árið 2019.

Fréttablaðið um „Agnesi Joy“: Sálar­háski hvers­­dags­­leikans

"Of­boðs­lega góð kvik­mynd. Ein­föld og lát­laus en samt svo yfir­þyrmandi víð­feðm og djúp að mann skortir eigin­lega orð," segir Þórarinn Þórarinsson meðal annars í fimm stjörnu dómi í Fréttablaðinu um Agnesi Joy Silju Hauksdóttur.

Menningin um „Agnesi Joy“: Ekki snöggan blett að finna

„Einstaklega vel leikin kvikmynd og samleikur helstu leikara svo hárfínn og vandaður að söguefniviðurinn fær hreinlega vængi,“ segir Heiða Jóhannsdóttir gagnrýnandi Menningarinnar á RÚV í umfjöllun sinni um Agnesi Joy Silju Hauksdóttur.

Hildur Guðnadóttir verðlaunuð á World Soundtrack Awards

Hildur Guðnadóttir, sellóleikari og tónskáld, var í gærkvöldi útnefnd sjónvarpstónskáld ársins á Heimshljóðrásar-verðlaunahátíðinni, World Soundtrack Awards, sem haldin er í belgísku borginni Ghent á ári hverju.

„Pabbahelgar“: Hjónabandsráðgjafinn sem náði ekki að bjarga eigin hjónabandi

Morgunblaðið ræðir við handritshöfundana bakvið Pabbahelgar, þær Nönnu Kristínu Magnúsdóttur, sem jafnframt leikstýrir og fer með aðalhlutverk og Sólveigu Jónsdóttur, ásamt Sólveigu Guðmundsdóttur leikkonu.

Sjón og Robert Eggers vinna saman að víkingamynd, Alexander Skarsgard og Nicole Kidman í helstu hlutverkum

Sjón og bandaríski leikstjórinnn Robert Eggers (The Witch, The Lighthouse) skrifa saman handrit að víkingamyndinni The Northman. Sænski leikarinn Alexander Skarsgard er sagður eiga hugmyndina og mun fara með aðalhlutverk.

Óvenju mikið af verkum í sýningum, konur áberandi á lykilpóstum

Óvenju mörg verk íslenskra kvikmyndagerðarmanna eru í sýningum þessa dagana eða alls tíu talsins. Þarna má finna bíómyndir, heimildamyndir, leiknar þáttaraðir og heimildaþáttaraðir. Einnig er óvenjulegt að kvenkyns höfundar standa að baki flestum þessara verka.