Mánaðarlegt færslusafn September, 2019

„End of Sentence“ opnunarmynd RIFF, almennar sýningar hefjast í dag

End of Sentence eftir Elfar Aðalsteins var frumsýnd í gærkvöld á opnun RIFF, en almennar sýningar hefjast í dag í Háskólabíói. Elfar og annar aðalleikari myndarinnar, John Hawkes, ræddu við áhorfendur eftir sýningu í gær en sérstakur viðburður þar sem Hawkes ræðir feril sinn verður í dag föstudag kl. 16 í Norræna húsinu.

Framleiðandinn Katja Adomeit með fyrirlestur á RIFF

Katja Adomeit framleiðandi er einn af heiðursgestum RIFF og heldur fyrirlestur í Norræna húsinu föstudaginn 4. október kl. 16. Nokkrir aðrir stíga einnig á stokk á þessari uppákomu sem kallast RIFF Talks.

Net­flix fjármagnar ís­lenska þáttaröð Baltasars

Baltasar Kormákur sagði frá því í Kastljósi RÚV í gærkvöldi að Netflix myndi fjármagna íslenska þáttaröð á hans vegum og að tökur hefjist næsta vor í Gufunesi.

„Hvítur, hvítur dagur“ framlag Íslands til Óskarsverðlauna 2020

Hvítur, hvítur dagur verður framlag Íslands til Óskarsverðlauna 2020. Hlaut hún afgerandi sigur í rafrænni atkvæðagreiðslu um framlag Íslands, en það eru meðlimir í ÍKSA, Íslensku kvikmynda og sjónvarpsakademíunni sem hafa kosningarétt.

Heimildamyndin „Veröld sem var“ frumsýnd á RIFF

Heimildamyndin Veröld sem var eftir Ólaf Sveinsson verður frumsýnd á RIFF. Í myndinni er annarsvegar hópi ferðalanga fylgt í fimm daga gönguferð á vegum Ferðafélagsins Augnabliks um áhrifasvæði Kárahnjúkavirkjunar sumarið 2006 skömmu áður en byrjað var að safna vatni í Hálsinn, dalinn sem Hálslón er kennt við, en hinsvegar er fjallað um byggingu Kárahnjúkavirkjunar.

„Vasulka áhrifin“ á Nordisk Panorama

Heimildamyndin Vasulka áhrifin (The Vasulka Effect) er meðal þeirra íslensku verka sem sýnd eru á heimilda- og stuttmyndahátíðinni Nordisk Panorama í Malmö sem nú stendur yfir.

„Kanarí“ valin fyndnust á Gamanmyndahátíðinni, Edda Björgvins heiðruð

Gamanmyndahátíð Íslands fór fram um síðustu helgi á Flateyri í fjórða sinn. Áhorfendur völdu heimildamyndina Kanarí eftir Magneu B. Valdimarsdóttir og Mörtu Sigríði Pétursdóttur fyndnustu mynd hátíðarinnar og Edda Björgvinsdóttir var heiðruð fyrir framlag sitt til gamanmyndagerðar á Íslandi á undan sérstakri hátíðarsýningu á Stellu í orlofi.

Engar stjörnur mæla með þessum fimm myndum á RIFF 2019

Engar stjörnur, gagnrýnendasveit kvikmyndafræði Háskóla Íslands, hefur tekið saman lista yfir þær fimm kvikmyndir á RIFF sem hópurinn er spenntastur fyrir.

Kodak ræðir við Maria von Hausswolf um tökurnar á „Hvítum, hvítum degi“

Á vef Kodak er rætt við Maria von Hausswolff sem stjórnaði kvikmyndatöku á mynd Hlyns Pálmasonar, Hvítur, hvítur dagur. Myndin var tekin upp á 2-perf Super35mm widescreen format og í viðtalinu ræðir Maria hversvegna svo var.

Kosning um Óskarsframlag stendur yfir, fjórar myndir í vali

Kosning um framlag Íslands til Óskarsverðlauna 2020 er hafin og stendur til miðnættis 24. september.  Meðlimir ÍKSA, Íslensku kvikmynda- og sjónvarpsakademíunnar, velja framlagið og að þessu sinni er valið milli fjögurra kvikmynda.

Helstu póstar á RIFF 2019

Alþjóðleg kvikmyndahátíð í Reykjavík, RIFF, hefst fimmtudaginn 26. september næstkomandi með frumsýningu á kvikmyndinni End of Sentence eftir Elfar Aðalsteins. Hátíðinni lýkur 6. október með frumsýningu á Parasite eftir Bong Joon-ho sem vann Gullpálmann í Cannes í vor.

Fréttablaðið um „Héraðið“: Góðir Framsóknarmenn!

"Þessi lúmskt fyndna tragikómedía úr alíslenskum raunveruleika springur út í dæmisögu sem á við alls staðar á öllum tímum," segir Þórarinn Þórarinsson í Fréttablaðinu um Héraðið Gríms Hákonarsonar og gefur henni fjórar stjörnur.

RIFF dagskráin liggur fyrir

RIFF 2019 stendur yfir dagana 26. september til 6. október og fer hátíðin að mestu fram í Bíó Paradís. Líkt og fyrri daginn eru fjöldi bíómynda, heimildamynda og stuttmynda á dagskrá auk margskonar viðburða. Franska leikstýran Claire Denis er sérlegur heiðursgestur hátíðarinnar að þessu sinni.

Menningarsmygl um „Héraðið“: Þegar mjólkin súrnar

Flatneskjuleg“ var fyrsta orðið sem ég heyrði um Héraðið þegar fyrstu dómarnir fóru að detta í hús. Það er eitthvað til í því – en það merkilega er að það er að einhverju leyti styrkur myndarinnar," segir Ásgeir H. Ingólfsson á vef sínum Menningarsmygl um kvikmynd Gríms Hákonarsonar.

[Stikla] Fantasíu- og ævintýramyndin „Goðheimar“ í bíó 11. október

Stikla dönsk/íslensku ævintýramyndarinnar Goðheimar hefur verið opinberuð og má skoða hér. Myndin fjallar um víkingabörnin Röskvu og Þjálfa sem koma í Goðheima með þrumuguðinum Þór og Loka hinum lævísa. Goðheimar eru að hruni komnir og eingöngu krakkarnir geta komið til bjargar.