Mánaðarlegt færslusafn July, 2019

Ásgeir H. Ingólfsson um Benedikt, kolefnisprump og kvikmyndahátíðir

Ásgeir H. Ingólfsson skrifar frá kvikmyndahátíðinni í Karlovy Vary og segir frá uppgangi suður-kóreskra kvikmynda, suður-amerísku systramelódrama og vanhugsaðri – að hans mati – ræðu Benedikts Erlingssonar. Þetta birtist á vef RÚV.

„Hvítur, hvítur dagur“ verðlaunuð í Motovun

Kvikmyndin Hvítur, hvítur dagur eftir Hlyn Pálmason var valin besta mynd kvikmyndahátíðarinnar í Motovun í Króatíu í gær. Ingvar E. Sigurðsson, aðalleikari myndarinnar, tók við verðlaununum. RÚV segir frá.

IceDocs fer vel af stað á Akranesi

IceDocs, eða Iceland Documentary Film Festival, lauk síðastliðinn sunnudag. Alls voru 59 alþjóðlegar heimildamyndir sýndar á hátíðinni, auk sérviðburða, vinnustofu fyrir ungmenni og sérstakrar dagskrár fyrir börn. Heimildamyndir Þorgeirs Þorgeirsonar, sem Kvikmyndasafn Íslands hefur nýlega skannað og lagfært, voru sýndar og einnig var sérstök dagskrá um feril Þorgeirs.

Ásgeir H. Ingólfsson skrifar frá Karlovy Vary um „Hvítan, hvítan dag“ og „Síðasta haustið“

Ásgeir H. Ingólfsson fjallar um Hvítan, hvítan dag eftir Hlyn Pálmason og Síðasta haustið eftir Yrsu Roca Fannberg í Tengivagninum á Rás 1, en báðar voru sýndar á nýafstaðinni Karlovy Vary hátíðinni í Tékklandi.

Breytingar á endurgreiðslukerfinu áformaðar í nýjum frumvarpsdrögum

Í nýjum frumvarpsdrögum eru lagðar til breytingar á endurgreiðslukerfinu í þá veru að hætt verði að hætt verði að styðja spjallþætti, raunveruleikaþætti og skemmtiþætti, auk þess sem þak verði sett á ársgreiðslu til einstakra verkefna, að öll verkefni lúti endurskoðun á kostnaði og að skilin á milli endurgreiðslukerfisins og úthlutunar úr Kvikmyndasjóði verði skýrari. Frumvarpsdrögin hafa verið birt á Samráðsgátt stjórnvalda, þar sem hægt er að senda inn umsögn um þau.

„Bergmál“ Rúnars Rúnarssonar valin í aðalkeppni Locarno hátíðarinnar

Bergmál Rúnars Rúnarssonar tekur þátt í aðalkeppni kvikmyndahátíðinnar í Locarno í Sviss. Þetta var tilkynnt fyrr í dag. Bergmál mun keppa þar um Gyllta hlébarðann, aðalverðlaun hátíðarinnar. Locarno er ein af virtustu kvikmyndahátíðum Evrópu.

Iceland Documentary Film Festival (IceDocs) haldin í fyrsta sinn 17.-21. júlí

Iceland Documentary Film Festival fer fram á Akranesi í fyrsta sinn dagana 17.-21. júlí næstkomandi. Á dagskrá eru um 40 heimildamyndir frá öllum heimshornum, en auk þess verða sérstakar sýningar á verkum Þorgeirs Þorgeirsonar í samvinnu við Kvikmyndasafn Íslands.

Ný stuttmynd Atla Óskars, „Monster“, frumsýnd í Bíó Paradís

Stuttmyndin Monster verður frumsýnd í Bíó Paradís þann 13. júlí kl. 16 og er öllum heimill aðgangur meðan pláss leyfir. Að myndinni standa ungir kvikmyndagerðarmenn, Einar Pétursson sem leikstýrir og Atli Óskar Fjalarsson sem skrifar og fer með aðalhlutverk.

Svenni í Plúsfilm segir Ólaf bónda hafa hlunnfarið sig um tugi milljóna

Vísir birtir forvitnilega úttekt um deilur Sveins M. Sveinssonar í Plúsfilm við Ólaf Eggertsson bónda á Þorvaldseyri varðandi kvikmynd Sveins Eyjafjallajökull Erupts, sem Ólafur sýndi árum saman á Þorvaldseyri og um hálf milljón manna hafa séð án þess að Sveinn hafi fengið nema smotterí í sinn hlut. Tekjur af myndinni eru sagðar nema um hálfum milljarði króna.

„End of Sentence“ fær góðar viðtökur í Edinborg

End of Sentence, fyrsta bíómynd Elfars Aðalsteins, var frumsýnd á Edinborgarhátíðinni sem lauk um helgina. Screen segir hana hafa verið meðal umtöluðustu titlana á hátíðinni og gagnrýnandi miðilsins gefur henni góða dóma.