Heim Fréttir IceDocs fer vel af stað á Akranesi

IceDocs fer vel af stað á Akranesi

-

 

Heiðar Már Björnsson, Ingibjörg Halldórsdóttir og Hallur Örn Árnason standa á bakvið IceDocs.

IceDocs, eða Iceland Documentary Film Festival, lauk síðastliðinn sunnudag. Alls voru 59 alþjóðlegar heimildamyndir sýndar á hátíðinni, auk sérviðburða, vinnustofu fyrir ungmenni og sérstakrar dagskrár fyrir börn. Heimildamyndir Þorgeirs Þorgeirsonar, sem Kvikmyndasafn Íslands hefur nýlega skannað og lagfært, voru sýndar og einnig var sérstök dagskrá um feril Þorgeirs.

Dómnefndarverðlaun voru veitt á undan sýningu lokamyndarinnar sem var hin danska Human Shelter eftir Boris Bertram.

All Inclusive eftir svissnesku leikstýruna Corinu Schwingrube Ilic hlaut verðlaun fyrir bestu stuttmynd. Í flokki mynda í styttri lengd var það hin dansk/norska Haunted eftir Christian Einshøj sem hlaut verðlaun. Norður-Makedóníska myndin Honeyland fékk sérstaka viðurkenningu dómnefndar, en bresk/hollenska myndin Bruce Lee and the Outlaw eftir Joost Vandebrug var sigurvegari aðalkeppninnar.

Í dómnefnd sátu Anna Þóra Steinþórsdóttir kvikmyndagerðarkona, Diane Henderson einn listrænna stjórnenda Alþjóðlegu kvikmyndahátíðarinnar í Edinborg og írski gagnrýnandinn Jessica Kiang.

Alls sóttu hátíðina heim á sjötta tug erlendra gesta.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.