Daglegt færslusafn: Jan 24, 2018

Tveir Íslendingar koma að Óskarstilnefningum

Tveir Íslendingar, Eggert Ketilsson og Helga Kristjana Bjarnadóttir eiga hlut að tilnefningum til Óskarsverðlauna í ár. Eggert sem einn leikmyndahönnuða Dunkirk eftir Christopher Nolan og Helga sem einn kvikara teiknimyndarinnar The Breadwinner sem Nora Twomey leikstýrir.

LevelK höndlar alþjóðlega sölu á „Víti í Vestmannaeyjum“

Danska sölufyrirtækið LevelK mun höndla alþjóðlega sölu á kvikmyndinni Víti í Vestmannaeyjum eftir Braga Þór Hinriksson. Myndin, sem er frumsýnd hér á landi í mars, verður kynnt kaupendum á Evrópska kvikmyndamarkaðinum sem fram fer á Berlinale hátíðinni í febrúar.

Metsölumyndin „Óþekkti hermaðurinn“ sýnd á Íslandi

Finnska stórmyndin Óþekkti hermaðurinn (Tuntematon sotilas) verður sýnd í Bíó Paradís frá föstudeginum. Myndin hefur slegið hressilega í gegn í heimalandinu og er nú sýnd víða um Norðurlönd. Júlíus Kemp og Ingvar Þórðarson eru meðframleiðendur myndarinnar, en leikstjórinn  Aku Louhimies verður viðstaddur hátíðarsýninguna annað kvöld og mun ræða við gesti að henni lokinni.