Mánaðarlegt færslusafn January, 2019

„Stella Blómkvist“ sýnd á Sundance Now, „Lói“ byrjar vel í norskum bíóum

Sýningar á þáttaröðinni Stella Blómkvist hefjast á Sundance Now streymisveitunni á morgun, 31. janúar, en veitan nær til Bandaríkjanna, Kanada, Bretlands, Ástralíu og Nýja-Sjálands. Þá eru sýningar á Lói - þú flýgur aldrei einn hafnar í norskum kvikmyndahúsum og fer myndin vel af stað þar í landi.

[Stikla] „Stolin list“ frumsýnd á Þessaloniki hátíðinni

Heimildamynd þeirra Markelsbræðra, Stolin list, verður heimsfrumsýnd á hinni kunnu heimildamyndahátíð í Þessaloniki í Grikklandi í mars. Á ensku kallast verkið Nefertiti The Lonely Queen. 

Rætt um „Tryggð“: Vissi samstundis þetta væri sagan

Ásthildur Kjartansdóttir leikstjóri og Elma Lísa Gunnarsdóttir leikkona eru í viðtali við Morgunblaðið um kvikmyndina Tryggð sem byggð er á skáldsögu Auðar Jónsdóttur, Tryggðapanti. Myndin fer í almennar sýningar þann 1. febrúar.

[Stikla] „Taka 5“ eftir Magnús Jónsson frumsýnd á Stockfish

Bíómyndin Taka 5 eftir Magnús Jónsson verður frumsýnd á Stockfish hátíðinni sem hefst í lok febrúar. Stikla myndarinnar hefur verið opinberuð og má skoða hér.

Mikill áhugi á væntanlegum íslenskum myndum í Gautaborg

Kaupendur og hátíðastjórar eru spenntir fyrir væntanlegum myndum Gríms Hákonarsonar, Hlyns Pálmasonar og Rúnars Rúnarssonar sem kynntar verða á Norræna kvikmyndamarkaðinum sem er hluti af Gautaborgarhátíðinni.

Engar stjörnur um „Svona fólk“: Mikilvæg söguskráning

"Með markvissari stefnu og skipulagðara upplýsingaflæði gæti Svona fólk verið meira fræðandi heimildarmynd," segir Sólveig Johnsen hjá Engum stjörnum um þessa heimildamynd Hrafnhildar Gunnarsdóttur, en bætir við að "það sem stendur upp úr eru sögur viðmælendanna – sögur sem ættu að heyrast miklu oftar – og mikilvægt starf í þágu söguskráningar hinsegin samfélagsins á Íslandi."

Greining | Íslenskum bíómyndum fjölgar og aðsókn eykst

Hvernig ná íslenskar kvikmyndir almennt til fólksins í landinu? Komið hefur fyrir á undanförnum árum í óformlegu spjalli við kvikmyndaframleiðendur og aðra sem fylgast með íslenskum kvikmyndum að áhyggjur eru viðraðar um að aðsókn á íslenskar kvikmyndir fari dvínandi, eða að aðsókn sé ekki nægileg yfir höfuð. En tölulegar staðreyndir segja aðra sögu.

Greining | „Lof mér að falla“ mest sótta íslenska myndin 2018, mesta heildaraðsókn síðan 2000

Aðsókn á íslenskar kvikmyndir í bíó 2018 jókst um 35% miðað við 2017 og nam rúmlega 160 þúsund gestum. Þetta er stærsta ár í aðsókn á íslenskar kvikmyndir síðan 2000. Lof mér að falla er mest sótta íslenska mynd ársins.

Greining | Vinsælustu bíómyndirnar 2018

Árið 2018 var mjög gott fyrir íslensk kvikmyndahús og var tekjuaukning um 6,4% frá árinu áður en samtals voru seldir miðar í kvikmyndahús fyrir kr. 1.688.453.577 á árinu 2018. Þá sóttu tæplega 74.000 fleiri gestir kvikmyndahús á árinu 2018 en 2017, sem er tæplega 5,4% fjölgun.  Á síðasta ári lögðu 1.445.445 gestir leið sína í kvikmyndahús landsins.

„Vesalings elskendur“ sýnd á Gautaborgarhátíðinni

Norrænar kómedíur verða í sérstökum fókus á Gautaborgarhátíðinni þetta árið og meðal þeirra níu mynda sem tilheyra flokknum er Vesalings elskendur eftir Maximilian Hult. Myndin er alfarið skipuð íslenskum leikurum og unnin á Íslandi.

Hverjar eru vinsælustu íslensku kvikmyndirnar á heimsvísu?

Fjöldi íslenskra kvikmynda ferðast víða um heiminn, á hátíðir, í kvikmyndahús, í sjónvarp og nú á undanförnum árum í efnisveitur. Klapptré birtir nú lista yfir þær íslensku kvikmyndir sem hlotið hafa mesta aðsókn í bíó á heimsvísu.

„Tryggð“ til Gautaborgar

Tryggð eftir Ásthildi Kjartansdóttur hefur verið valin á Nordic Lights hluta Gautaborgarhátíðarinnar sem fram fer dagana 25. janúar - 4. febrúar.

Tökur hefjast á sænsk/íslensku þáttaröðinni „20/20“

Tökur hefjast í næstu viku á þáttaröðinni 20/20 sem framleidd er af Sagafilm og sænska framleiðslufyrirtækinu Yellow Bird. Gerðir verða tíu þættir og standa tökur fram á vor hér á landi. Jóhann Ævar Grímsson, Birkir Blær Ingólfsson og Jón­as Mar­geir Ing­ólfs­son skrifa handrit þáttanna sem er lýst sem einskonar "eco-þriller".

„Litla Moskva“ keppir í Gautaborg

Heimildamynd Gríms Hákonarsonar, Litla Moskva, mun taka þátt í keppni norrænna heimildamynda (Nordic Documentary Competition) á kvikmyndahátíðinni í Gautaborg, dagana 25. janúar - 4. febrúar. Hátíðin er sú stærsta á Norðurlöndunum og fer nú fram í 42. skipti.