Heim Bransinn Ekki staðið að fullu við samkomulag um framlög til Kvikmyndamiðstöðvar

Ekki staðið að fullu við samkomulag um framlög til Kvikmyndamiðstöðvar

-

Alþingi og stjórnvöld ljúka síðasta legg Samkomulagsins 2016-2019 með því að skera niður hækkun þessa árs um rétt tæpar tíu milljónir króna. Ekki reyndist vilji fyrir sérstöku viðbótarframlagi uppá 250 milljónir króna á tímabilinu þrátt fyrir viljayfirlýsingu þar um í samkomulaginu.

Á vef Kvikmyndamiðstöðvar er gerð grein fyrir þessu:

Fjárlög ársins 2019 hafa verið samþykkt á Alþingi.

Fjárlög tiltaka að fjárheimildir Kvikmyndamiðstöðvar Íslands (KMÍ) muni nema 1.219.000 kr. á árinu 2019, sem skiptast á milli rekstrarliðar KMÍ og framlags til Kvikmyndasjóðs.

Framlag til Kvikmyndasjóðs á árinu 2019 nemur 1.074.800 kr. og hækkar um 80.100.000 kr. frá fyrra ári.

Framlög til Kvikmyndajóðs hafa síðust ár fylgt samkomulagi um stefnumörkun fyrir íslenska kvikmyndagerð 2016 til 2019, sem samþykkt var af fulltrúum atvinnugreinasamtaka kvikmyndgerðarmanna og tveimur ráðherrum.

Samkomulagið tiltekur að milli áranna 2018 og 2019 skuli framlag ríkisins til Kvikmyndasjóðs hækka um 90 milljónir króna. Í texta fjárlagafrumvarps er tiltekið að fjárheimild málaflokksins sé aukin um 90 m.kr. til samræmis við samning.

Skýringin á því að sjóðurinn hækkar aðeins um 80,1 m.kr. er sú að til viðbótar er gerð aðhaldskrafa upp á 9,9 m.kr. á sjóðinn sem þýðir að tilgreind aukning fjárheimilda rennur ekki óskipt til sjóðsins, heldur fer hluti hennar til að mæta aðhaldskröfu um samdrátt í ríkisútgjöldum.

Sjá nánar hér: Fjárlög ársins 2019 hafa verið samþykkt á Alþingi

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.