Mánaðarlegt færslusafn June, 2016

„Ófærð“ í hópi bestu þáttaraða ársins að mati The Guardian

The Guardian birti á dögunum samantekt yfir bestu þáttaraðir ársins nú þegar það er hálfnað. Ófærð er þar á meðal ásamt þáttaröðum á borð við Game of Thrones, Better Call Saul, The Night Manager og Peaky Blinders svo einhverjar séu nefndar.

Eurimages styrkir „Undir trénu“ um 30 milljónir króna

Eurimages veitti á dögunum 29 evrópskum samframleiðsluverkefnum styrki sem nema alls 7,239,000 evrum eða tæpum milljarði króna. Bíómyndin Undir trénu í leikstjórn Hafsteins Sigurðssonar hlaut styrk uppá 213,000 evrur eða um 30 milljónir króna.

Heimildamyndin „Innsæi“ frumsýnd í Berlín í dag

Heimildamyndin Innsæi eftir Hrund Gunnsteinsdóttur og Kristínu Ólafsdóttur verður frumsýnd í Berlín í dag og verður síðan sýnd í 30 kvikmyndahúsum víða um Þýskaland. Myndin leitar svara við mikilvægi þess fyrir hvern og einn að tengja inn á við og við heim náttúrunnar í því samfélagi sem við lifum í í dag.

Baltasar um áhrif Brexit á íslenska kvikmyndagerð: „Okkur í hag að það sé mikið að gera í Bretlandi“

„Ég held að það sé ekkert okkur í hag að þeim gangi illa,“ segir Baltasar Kormákur í samtali við Vísi um ákvörðun bresku þjóðarinnar um að segja sig úr Evrópusambandinu. Breska þjóðin kaus um veru í sambandinu síðastliðinn fimmtudag en þessi ákvörðun gæti haft slæm áhrif á breskan kvikmyndaiðnað sem Íslendingar hafa notið góðs af.

Ólafur Arnalds og Baldvin Z vinna að tónlistarmyndinni „Island songs“

Ólafur Arnalds tónlistarmaður og Baldvin Z vinna nú að tónlistarmyndinni Island songs. Tökur munu standa yfir í allt sumar víðsvegar um Ísland og mun Ólafur vinna með völdum tónlistarmanni á hverjum stað. Hugmyndin er að birta nýtt lag vikulega, á mánudögum frá og með deginum í dag.

„Garn“ Unu Lorenzen frumsýnd í New York í dag

Heimildamyndin Garn (Yarn) eftir Unu Lorenzen er frumsýnd í New York í dag. Myndin verður svo frumsýnd í Los Angeles um miðjan júlí og mun þaðan fara í almennar sýningar víða um Bandaríkin. Vefurinn GirlTalkHQ ræðir við Unu um myndina.

Vill reisa Hollywood norðursins í Gufunesinu

Baltasar Kormákur gæti breytt framtíð kvikmyndaiðnaðarins á Íslandi ef allt gengur eftir. Grafarvogur verður þá kvikmyndastöð Íslands, segir Fréttatíminn í umfjöllun um áætlanir Baltasars um uppbyggingu kvikmyndavers í Gufunesi.

WIFT óskar eftir kvikmyndaefni eftir konur fyrir nýjan vefmiðil

WIFT á Íslandi, félag kvenna í kvikmyndum og sjónvarpi, vinnur nú að undirbúningi nýs vefmiðils á vefsíðu félagsins. Markmiðið er að auka vægi og sýnileika kvenna í kvikmynda- og sjónvarpsgeiranum.

Sólveigar Anspach minnst

Vefurinn No Film School birtir einlæga vídeó-hugleiðingu kvikmyndaunnandans Scout Tafoya um leikstýruna Sólveigu Anspach, en þau voru kunningjar. Sólveig lést í fyrra, en síðasta mynd hennar, Sundáhrifin, var verðlaunuð á nýliðinni Cannes hátíð.

„Undir trénu“ fær tæpar tuttugu milljónir frá Norræna sjóðnum

Norræni kvikmynda- og sjónvarpssjóðurinn veitti á dögunum kvikmynd Hafsteins Gunnars Sigurðssonar, Undir trénu, 19.4 milljóna króna styrk. Steindór Hróar Steindórsson, Steindi jr., fer með aðalhlutverkið í myndinni.

„Þrestir“ verðlaunuð í Rúmeníu

Þrestir Rúnars Rúnarssonar vann um helgina til sérstakra dómnefndarverðlauna á alþjóðlegu kvikmyndahátíðinni í Transilvaníu, sem fram fór í Cluj-Napoca í Rúmeníu. Þetta eru sjöundu alþjóðlegu verðlaun myndarinnar á árinu en jafnframt sautjándu alþjóðlegu verðlaunin síðan myndin var frumsýnd í september í fyrra.

Skjár einn heitir nú Sjónvarp Símans

Heitið Skjár einn leggst niður frá og með deginum í dag og verður að Sjónvarpi Símans. Ár er síðan að Skjár einn rann inn í Sím­ann og dag­skrá stöðv­ar­innar var opnuð öllum lands­mönnum í októ­ber í fyrra.Þá stofn­aði Sím­inn streym­isveitu í áskrift sem hefur nú fleiri áskrif­endur en voru að sjón­varps­stöð­inni við breyt­ing­una.