Daglegt færslusafn: Aug 13, 2015

„The Show of Shows“ Benedikts Erlingssonar til San Sebastian

Heimildamynd Benedikts Erlingssonar, The Show of Shows: 100 Years of Vaudeville, Circuses and Carnivals (áður: The Greatest Shows on Earth), hefur verið valin til þátttöku í „Zabaltegi“ hluta San Sebastian hátíðarinnar sem fram fer 18.-26. september. Skemmst er að minnast þess að Hross í oss Benedikts hóf sigurgöngu sína á sömu hátíð fyrir tveimur árum.

„Ófærð“ til Toronto 

Sjónvarpsþáttaröðin Ófærð hefur verið valin á Primetime hluta kvikmyndahátíðarinnar í Toronto. Primetime fer fram í fyrsta skipti á hátíðinni í ár og miðar að því að gera leiknu sjónvarpsefni hátt undir höfði.

RIFF efnir til opins fundar um kynjakvóta

RIFF stendur fyrir opnum málfundi í Tjarnarbíói fimmtudaginn 20. ágúst næstkomandi kl. 17 þar sem talsmenn ólíkra skoðana koma saman og ræða hvort setja skuli kynjakvóta á úthlutanir Kvikmyndasjóðs.