Daglegt færslusafn: May 19, 2014

Sjónvarpsstöðin ISTV fer í loftið 17. júní

ISTV heitir ný sjónvarpsstöð sem verður í opinni dagskrá og fer í loftið 17 júní næstkomandi. Um 20 íslenskir þættir verða á dagskrá stöðvarinnar til að byrja með.

365 miðlar tekur yfir Bravó og Miklagarð

365 miðlar hafa eignast öll hlutabréf í Konunglega kvikmyndafélaginu sem rekið hefur sjónvarpsstöðvarnar Bravó og Miklagarð, innan við tveimur mánuðum eftir að nýju stöðvarnar fóru í loftið. 365 rekur Bravó áfram en Mikligarður fer í sumarfrí og framtíð stöðvarinnar verður ákveðin síðar. RÚV skýrir frá þessu.

Harmageddon: Allt gengur upp í Vonarstræti

Lofsamlegar umsagnir um Vonarstræti halda áfram að birtast, að þessu sinni á vef útvarpsþáttarins Harmageddon, sem til sýnis er á Visi. Ragnar Trausti Ragnarsson, gagnrýnandi þáttarins, gefur myndinni fimm stjörnur og segir íslenska kvikmyndagerð standa á tímamótum með þessari mynd.

„Hjartasteinn“ Guðmundar Arnars kynnt á Cannes

Fyrsta kvikmynd Guðmundar Arnar Guðmundssonar í fullri lengd, Hjartasteinn, verður kynnt í  Cannes þann 20. maí en Guðmundur tekur þátt í Cannes Residence þetta árið og vinnur þar að þróun myndarinnar sem verður tekin upp á næsta ári.