Mánaðarlegt færslusafn February, 2020

Lífssaga kvikmyndar, eða hvernig SAGA BORGARÆTTARINNAR varð þjóðkvikmynd Íslands

Saga Borgarættarinnar (1920) eftir Gunnar Sommerfeldt, sem byggð var á samnefndri skáldsögu Gunnars Gunnarssonar, er fyrsta leikna kvikmyndin sem gerð er á Íslandi. Í tilefni aldarafmælis kvikmyndarinnar hefur Erlendur Sveinsson skrifað grein í Tímarit Máls og menningar þar sem hann rekur tilurðar-, viðtöku- og varðveislusögu myndarinnar. Greinin er aðgengileg hér.

Ný stjórn Wift á Íslandi kjörin

Ný stjórn Félags kvenna í kvikmyndum og sjónvarpi (Wift) á Íslandi var kosin á aðalfundi félagsins á dögunum. Nýr formaður er Anna Sæunn Ólafsdóttir leikstjóri og leikkona sem tekur við formennskunni af Helgu Rakel Rafnsdóttur.

Skjaldborg fær Eyrarrósina

Skjaldborg, hátíð íslenskra heimildamynda, hlýtur Eyrarrósina í ár, en verðlaunin eru veitt fyrir framúrskarandi menningarverkefni á starfssvæði Byggðastofnunar.

Haukur Már Helgason um LAST AND FIRST MEN: Þegar myndinni lýkur, lýkur öllu

Haukur Már Helgason skrifar um Last and First Men eftir Jóhann Jóhannsson á vef sinn Hús og skrifar meðal annars: "Þegar leið á verkið og endurtekningu grunnstefanna, þá leitaði á mig sorg, eða spurning um sorg: hvernig bregst maður við grun um að hafa, með nokkurri viðhöfn, verið dreginn í fjölmennan sal til að taka þar á móti einnar kvikmyndar löngu sjálfsvígsbréfi?" Hann fjallar einnig um spurningar og svör eftir sýningu myndarinnar þar sem ýmislegt áhugavert kom fram um hvernig verkið varð til.

Markelsbræður um miðaldra karla í krísu

Þor­kell Harðar­son og Örn Marinó Arnar­son segjast hafa mætt á­kveðnum efa­semdum þegar þeir kynntu efni kvik­myndar sinnar, Síðustu veiði­ferðarinnar, enda fjalli hún um mið­aldra karl­menn í krísu. Þetta og margt annað ræða þeir í viðtali við Fréttablaðið.

Berlinale 5: Ástir heiguls

Í fimmta pistli sínum frá Berlínarhátíðinni skrifar Ásgeir H. Ingólfsson um frönsku myndina Selta táranna (Le sel des larmes) eftir Philippe Garrel og segir hana afskaplega síníska mynd um ástina.

Berlinale 4: Uggur og andstyggð í Japan

Í fjórða pistli sínum frá Berlínarhátíðinni fjallar Ásgeir H. Ingólfsson um bandarísku myndina Minamata eftir Andrew Levitas með Johnny Depp í aðalhlutverki.

[Kitla] ÞRIÐJI PÓLLINN, frumsýnd 27. mars

Heimildamyndin Þriðji póllinn eftir Andra Snæ Magnason og Anni Ólafsdóttur verður frumsýnd þann 27. mars næstkomandi. Andri Snær hefur sent frá sér kitlu sem má skoða hér.

Berlinale 3: Trámatíseraðir leikskólastarfsmenn og fallhlífastökk

Í þriðja pistli sínum frá Berlínarhátíðinni skrifar Ásgeir H. Ingólfsson um kanadísku myndina Anne at 13,000 ft. (eða Anna í 3962 metra hæð, svo þýtt sé yfir í metrakerfið).

Berlinale 1: Ritari Salingers og Sigourney Weaver

Ásgeir H. Ingólfsson skrifar nú pistla frá Berlínarhátíðinni á vef sinn Menningarsmygl. Þeir eru einnig birtir hér með góðfúslegu leyfi Ásgeirs. í fyrsta pistli skrifar hann um opnunarmyndina My Salinger Year eftir Philippe Falardeau.

Þáttaröðin RÁÐHERRANN heimsfrumsýnd á Series Mania sjónvarpshátíðinni

Þáttaröðin Ráðherrann, sem Sagafilm framleiðir, verður heimsfrumsýnd á Series Mania hátíðinni sem fram fer í Lille í Frakklandi 20.-28. mars. Hátíðin er tileinkuð sjónvarpsþáttaröðum og er sú stærsta sinnar tegundar í heiminum í dag.