Fyrsta bíómynd Ólafar Birnu Torfadóttur, Hvernig á að vera klassa drusla, kemur í Senubíóin þann 3. apríl næstkomandi.
Ólöf Birna nam við Kvikmyndaskóla Íslands og hefur áður gert stuttmyndirnar Síðasta sumar og Millenium lausnir. Óskar Long framleiðir myndina, en með helstu hlutverk fara Ylfa Marín Haraldsóttur og Ásta Júlía Elíasdóttir.
Myndinni er svo lýst:
Þrælvön sveitapía grípur borgarbarnið vinkonu sína með sér út á land til að vinna á stórum sveitabæ yfir sumarið. Það rennur ekki vottur af sveitablóði í vinkonunni og í þokkabót hefur hún fengið nóg af því að vera hlátursefni annarra og fær þar af leiðandi villandi kennslu sveitapíunnar um hvernig á að vera betri, stærri og sterkari útgáfa af sjálfri sér.
