Mánaðarlegt færslusafn March, 2020

Sprettfiskur 2020: Faðmlög á tímum félagslegrar fjarlægðar

"Tengslin sem myndast á milli ólíkra kynslóða var það þema sem var einna mest áberandi í Sprettfisknum þetta árið, sem er ágætlega viðeigandi á tímum heimsfaraldurs sem hefur mjög mismunandi áhrif á mismunandi kynslóðir," skrifar Ásgeir H. Ingólfsson á vef sinn Menningarsmygl um stuttmyndirnar sem kepptu um Sprettfiskinn í ár.

Kvikmyndabransinn kominn á hliðina samkvæmt könnun FK

Félag kvikmyndagerðarmanna (FK) stóð fyrir könnun á meðal félagsmanna sinna til að meta þau alvarlegu áhrif sem vírusinn hefur á starfsemi og afkomu kvikmyndagerðarmanna. Niðurstöðurnar eru sláandi.

Ísold, Halldóra og Davíð Þór verðlaunuð vestanhafs

Ísold Uggadóttir var valin besti leikstjórinn fyrir mynd sína Andið eðlilega á verðlaunahátíð Chlotrudis Society for Independent Film í Massachussets í Bandaríkjunum um liðna helgi. Halldóra Geirharðsdóttir var einnig valin besta leikkonan fyrir leik sinn í Kona fer í stríð og Davíð Þór Jónsson fékk einnig verðlaun fyrir tónlist í sömu mynd.

Menningin um SÍÐUSTU VEIÐIFERÐINA: Litlir hrútar á lækjarbakka

"Taumlaus galsagangur og skemmtileg gróteska," segir Brynhildur Björnsdóttir gagnrýnandi Menningarinnar um Síðustu veiðiferðina eftir Örn Marinó Arnarson og Þorkel Harðarson.

Gamanmyndahátíð Flateyrar heldur gamanmyndakeppni á netinu

Gamanmyndahátíð Flateyrar hefur ákveðið að setja af stað keppni þar sem keppendur fá 48 klukkustundir til að fullklára gamanmynd. Keppnin er öllum opin og hægt er að skrá sig til leiks nú þegar.

Markelsbræður ræða ferilinn

Þeir Markelsbræður, Örn Marinó Arnarson og Þorkell Harðarson fara yfir ferilinn allt til Síðustu veiðiferðarinnar í ítarlegu spjalli við Atla Hergeirsson sem heldur úti hlaðvarpsþættinum Leikfangavélin.

Aðsókn | SÍÐASTA VEIÐIFERÐIN enn á toppnum eftir þriðju helgi, hlé á sýningum vegna faraldursins

Síðasta veiðiferðin er áfram í fyrsta sæti aðsóknarlistans eftir þriðju sýningarhelgi. Gestir á myndina eru um fjórðungur heildaraðsóknar síðustu viku, sem dróst þó verulega saman í kjölfar takmarkaðs samkomubanns. Á morgun skellur á enn þrengra samkomubann sem þýðir að kvikmyndahúsin loka. Framleiðendur myndarinnar segja sýningar hefjast aftur þegar bíóin opna á ný.

BLAÐBERINN hlaut Sprettfiskinn

Stuttmyndin Blaðberinn eftir Ninnu Pálmadóttur bar sigur úr býtum í stuttmyndakeppninni Sprettfiskurinn sem Stockfish kvikmyndahátíðin stendur fyrir. Í verðlaun hlaut Ninna 1 milljón kr. tækjaúttekt hjá Kukl.

Bíóin loka tímabundið

Bíóhúsin á landinu hyggjast loka í ótilgreindan tíma vegna COVID-19. Að öllu óbreyttu er búist við að fáein kvikmyndahús verði áfram opin í dag en breytingin tekur formlega gildi frá og með morgundeginum.

Sýningum á HVERNIG Á AÐ VERA KLASSA DRUSLA frestað

Sýningum á gamanmyndinni Hvernig á að vera klassa drusla eftir Ólöfu Birnu Torfadóttur hefur verið frestað um óákveðinn tíma og þarf ekki að koma á óvart. Fyrirhugað var að frumsýna myndina 3. apríl.

Svona sækir þú um bætur vegna tekjumissis

Fyrir þá sem sjá fram á tekjumissi vegna kórónaveirufaraldursins má finna ýmiskonar upplýsingar á vef Vinnumálastofnunar varðandi fjárhagslegan stuðning. Þetta á einnig við um þá sem eru sjálfstætt starfandi líkt og flestir í kvikmyndabransanum.

Horfðu á JÓN OG SÉRA JÓN hér

Steinþór Birgisson höfundur heimildamyndarinnar vinsælu Jón og séra Jón (2011), hefur opnað fyrir ókeypis aðgang að myndinni og er hægt að nálgast hana hér.

Frá KMÍ vegna COVID-19

Kvikmyndamiðstöð Íslands hefur sent frá sér tilkynningu vegna kórórnaveirufaraldursins og þeirra áhrifa sem hann hefur á kvikmyndagerðina.