Bíóin loka tímabundið

Bíóhúsin á landinu hyggjast loka í ótilgreindan tíma vegna COVID-19. Að öllu óbreyttu er búist við að fáein kvikmyndahús verði áfram opin í dag en breytingin tekur formlega gildi frá og með morgundeginum.

Þetta kemur fram á vefnum Kvikmyndir.is og þar segir ennfremur:

Þessar fréttir koma í kjölfar hertari aðgerða um samkomubann. Í gær tilkynnti heilbrigðisráðherra að hann hafi ákveðið í samræmi við tillögu sóttvarnalæknis að takmarka samkomur enn frekar þar sem fólk kemur saman verða takmarkaðir við 20 manns í stað 100 áður.

Langflest smit eru á höfuðborgarsvæðinu eða 464 þegar þessi texti er ritaður. Á Suðurlandi hefur sýkingum fjölgað mikið síðasta sólarhringinn. Þar hafa 56 greinst með kórónuveiruna og 707 eru í sóttkví. Stærstur hluti þeirra er í Vestmannaeyjum þar sem gripið hefur verið hertra aðgerða og samkomubann er bundið við tíu.

Á undanförnum vikum hafa bíóin fylgt tilmælum stjórnvalda með starfseminni og opnum sýningartímum, til dæmis með því að hafa rúmlega tveggja metra bil á milli sæta og tryggja að fjöldi gesta og starfsfólks verði aldrei meiri en 100 manns á sama tíma

Reikna má með tilkynningum frá kvikmyndahúsum landsins síðar í dag.

Sjá nánar hér: Kvikmyndir.is

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

TENGT EFNI

NÝJUSTU FÆRSLUR