Daglegt færslusafn: Nov 24, 2014

„Z for Zachariah“ á Sundance?

IndieWire birtir óskalista yfir 31 mynd sem þau vilja sjá á Sundance 2015 (vegna 31 árs afmælis hátíðarinnar). Meðal myndanna er Z for Zachariah sem Zik Zak kvikmyndir framleiða. Myndin er í leikstjórn Craig Zobel og með aðalhutverkin fara Margot Robbie, Chris Pine og Chiwetel Ejiofor.

Heimildamyndin „Heild“ aðgengileg á netinu og DVD

Heimildamyndin Heild var frumsýnd í Háskólabíó síðasta vor en nú gefst áhorfendum tækifæri á að streyma myndinni í gegnum Vimeo On Demand og einnig er hægt að kaupa myndina þar og niðurhala henni. Eftir tvær vikur verður síðan hægt að panta DVD diskinn á heimasíðu myndarinnar og þá verður hún einnig fáanleg í vel völdum verslunum.

Greining | Sveppi 4 komin yfir þrjátíu þúsund gesti

Algjör Sveppi og Gói bjargar málunum situr nú í fjórða sæti aðsóknarlistans eftir fjórðu sýningarhelgi. Alls sáu myndina 4.571 manns í liðinni viku, þar af 1.995 um helgina. Myndin hefur því fengið alls 30.386 gesti.