Daglegt færslusafn: Jan 10, 2021

Northern Wave haldin í október

Alþjóðlega stuttmyndahátíðin The Northern Wave Film Festival, sem átti að fara fram síðastliðið haust, hefur verið frestað um ár, eða til 22.-24. október 2021. Í kjölfar heimsfaraldurs var sýningum mynda sem átti að sýna árið 2020 frestað ásamt öðrum fylgifiskum hátíðahaldanna. Allar myndir sem staðfestar voru á síðasta ári verða sýndar á hátíðinni í október næstkomandi.

RVK Feminist Film Festival hefst 14. janúar, myndir sýndar ókeypis á netinu

Alþjóðlega kvikmyndahátíðin RVK Feminist Film Festival (RVK FFF) verður haldin í annað sinn dagana 14.-17. janúar. Vegna Covid verður hátíðin á netinu en valdir viðburðir verða í boði innan sóttvarnatakmarkana. Hægt er að horfa á allar kvikmyndirnar ókeypis á https://rvkfemfilmfest.is dagana sem hátíðin stendur.