Ný stjórn Félags kvenna í kvikmyndum og sjónvarpi (Wift) á Íslandi var kosin á aðalfundi félagsins á dögunum. Nýr formaður er Anna Sæunn Ólafsdóttir leikstjóri og leikkona sem tekur við formennskunni af Helgu Rakel Rafnsdóttur.
Aðrir stjórnarmeðlimir eru Vala Þórsdóttir handritshöfundur og leikkona, Þórey Mjallhvít Heiðar- og Ómarsdóttir hreyfimyndagerðarkona, Silla Berg handritshöfundur, Helena Harsita leikstjóri og handritshöfundur og María Lea Ævarsdóttir framleiðandi og stjórnandi Reykjavík Feminist Film Festival. Dögg Mósesdóttir mun starfa áfram sem fulltrúi Wift á Íslandi í Wift Nordic og sem varamaður stjórnar.
Meðfylgjandi er mynd af öllum stjórnarmeðlimum en á myndina vantar Völu Þórsdóttur.
