Segir í tilkynningu:
Á nýjum vef Kvikmyndamiðstöðvar verður boðið upp á skýrari leiðir að efni, uppfærðar leiðbeiningar fyrir umsækjendur og styrkþega, ásamt betra yfirliti yfir starfsemi miðstöðvarinnar – allt innrammað í nýju viðmóti. Þá verða einnig kynntar breytingar sem unnið hefur verið að á undanförnum misserum með það að markmiði að auka gegnsæi og skilvirkni í úthlutun styrkja. Á kynningunni verður farið yfir helstu áherslur í þróun vefsins og hvernig hann þjónar bæði kvikmyndageiranum og áhugafólki um íslenskar kvikmyndir. Öll áhugasöm eru velkomin og léttar veitingar í boði.
