“Hvítur, hvítur dagur” fær tvenn verðlaun á Hamptons hátíðinni

Rammi úr Hvítum, hvítum degi eftir Hlyn Pálmason (Mynd: Join Motion Pictures).

Hvítur, hvítur dagur eftir Hlyn Pálmason var valin besta leikna kvikmyndin á hinni virtu kvikmyndahátíð í Hamptons í Bandaríkjunum. Þar að auki hlaut Ída Mekkín Hlynsdóttir sérstaka viðurkenningu dómnefndar fyrir leik sinn í myndinni.

Hvítur, hvítur dagur var frumsýnd á Critics‘ Week, hliðardagskrá Cannes hátíðarinnar í maí síðastliðnum, þar sem Ingvar Sigurðsson var valinn besti leikarinn fyrir leik sinn í myndinni. Á dögunum hlaut myndin sérstaka viðurkenningu dómnefndar í flokknum besta alþjóðlega myndin á Zurich Film Festival í Sviss, en myndin hefur nú hlotið alls sex alþjóðleg verðlaun.

Hvítur, hvítur dagur er framlag Íslands til Óskarsverðlauna á næsta ári í flokki kvikmynda á erlendu tungumáli. Þá er hún einnig framlag Íslands til Kvikmyndaverðlauna Norðurlandaráðs í ár, ásamt því að myndin hefur verið valin sem ein af 46 kvikmyndum í forvali fyrir Evrópsku kvikmyndaverðlaunin í ár.

Athugasemdir

álit

Um höfundinn
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

Tengt efni