Heiða Rún tilnefnd til C21 sjónvarpsverðlaunanna fyrir „Stellu Blómkvist“

Heiða Rún Sigurðardóttir (Heida Reed) er tilnefnd sem besta leikkonan á C21’s International Drama Awards fyrir túlkun sína á Stellu Blómkvist í samnefndum sjónvarpsþáttum framleiddum af Sagafilm sem sýndir voru í Sjónvarpi Símans.

Í flokknum um bestu leikkonuna eru tilnefndar ásamt Heiðu, Claire Foy sem lék drottninguna í The Crown, Amy Adams fyrir Sharp Objects, Jodie Comer og Sandra Oh fyrir leik sinn í Killing Eve og Laura Linney fyrir Ozark.

Heiða Rún hefur gert það gott í leiklistarheiminum en hún lék meðal annars í Poldark sem sýndir hafa verið á RÚV síðustu ár. Þættirnir um Stellu Blómkvist fengu góðar viðtökur hér á landi en þeir hafa einnig verið sýndir í Frakklandi, Spáni, Belgíu, Hollandi og á Norðurlöndunum svo eitthvað sé nefnt.

Verðlaunin verða veitt við hátíðlega athöfn á St. Pancras Renaissance hótelinu sem hluti af C21’s Content London ráðstefnunni þann 28. nóvember næstkomandi.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

TENGT EFNI

NÝJUSTU FÆRSLUR