Heim Áhorfstölur 50% áhorf á lokaþátt "Fanga"

50% áhorf á lokaþátt „Fanga“

-

Samkvæmt bráðabirgðatölum frá RÚV var meðaláhorf á lokaþátt Fanga um 50%. RÚV gerir ráð fyrir að heildaráhorf verði í kringum 60% þegar hliðrað áhorf (Frelsi og Sarpur) liggur fyrir. Þættirnir eru aðgengilegir á Sarpinum til og með 7. mars næstkomandi.

Í frétt á vef RÚV segir ennfremur:

Umsagnir gagnrýnenda um Fanga hafa flestar verið mjög lofsamlegar og er leikurunum sérstaklega hrósað. Í dómi sínum í Herðubreið segir ritstjórinn, Karl Th. Birgisson, að Fangar sé besta sjónvarpsþáttaröð sem framleidd hefur verið á Íslandi, hvorki meira né minna. Guðmundur Andri Thorsson fjallar um Fanga í pistli sínum í Fréttablaðinu í dag og segist ekki muna eftir því að hafa séð jafngóðan leik í íslensku sjónvarpsefni. Kolbrún Bergþórsdóttir tekur í svipaðan streng í DV, þar sem hún talar um „sigur leikkvenna“, sem gefa allt í hlutverk sín og skapa einkar minnisstæðar persónur. Jón Viðar Jónsson er sammála því að leikurinn hafi verið góður en varð þó fyrir vonbrigðum með lokaþáttinn sem hann telur að hafi endað í „melódramatískum klisjum og happaendi af ódýrari sortinni.“

Samkvæmt samningum RÚV við höfunda þáttarins, verða þeir allir aðgengilegir til áhorfs á vef RÚV í 30 daga frá útsendingu síðasta þáttarins. Þeir sem misstu af eða kjósa að gleypa þáttaraðir í sig í heilu lagi, hafa því til 7. mars til að horfa á Fanga.

Sjá nánar hér: Helmingur þjóðarinnar horfði á lokaþáttinn

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.