Heim Fréttir Match Factory selur "Andið eðlilega" á heimsvísu

Match Factory selur „Andið eðlilega“ á heimsvísu

-

Babetida Sadjo og Patrik Nökkvi Pétursson í Andið eðlilega.

Þýska sölufyrirtækið Match Factory mun annast sölu á Andið eðlilega, fyrstu bíómynd Ísoldar Uggadóttur, á alþjóðlegum vettvangi.

Screen segir frá.

Andið eðlilega er nú í eftirvinnslu. Myndin segir frá tveimur mæðrum á jaðri samfélagsins; önnur er flóttamaður sem hefur strandað á Íslandi, hin er tollvörður sem handtekur hana við komuna til landsins.

Þetta er fyrsta íslenska kvikmyndin sem tæklar málefni flóttamanna. Með helstu hlutverk fara hollenska leikkonan Babetida Sadjo, Kristín Þóra Haraldsdóttir og Patrik Nökkvi Pétursson.

Í Screen er haft eftir Skúla Malmquist, framleiðanda hjá Zik Zak að Ísold hafi á undanförnum árum sannað sig sem einn áhugaverðasti leikstjórinn á Íslandi.

“Hún hefur sérstaklega áhuga á félagslega raunsæum sögum sem fanga sterkar tilfinningalegar aðstæður mannlegrar tilvistar,“ bætir hann við.

Sjá nánar hér: Match Factory bolsters Cannes slate | News | Screen

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.